Idrîs Yilmaz rojnamegerê ku li Wanê kar dikir, bi tohmeta ku “propagandeya rêxistinê kiriye” hat girtin.

Rojnameger Sîbel Hurtaş, Hayrî Demîr û Derhêner Fatîn Kanat ku li ser medyaya civakî “Operasyona Efrînê” rexne kirine hatine desteserkirin. Nûçegîhana MAyê Seda Taşkin ji ber ku derbarê wê de biryara zevtkirinê hebû hat desteserkirin.

Daxwaza tehliyeyê ya ji bo Mûrat Sabûncû, Akin Atalay û Ahmet Şikî nehat qebûlkirin ku parêzeran biryara Dadgeha Destûrê ya ku ji bo Tûrhan Gunayî dabû weke mînak nîşan dabûn û xwestibûn biryara tehliyeyê derkeve.

Dadgehê bi giştî 9 sal û 9 meh cezayê girtinê li Ayşe Duzkan, Ragip Dûran, Mehmet Alî Çelebî, Hesuyîn Bektaş û Huseyîn Aykolî birî ku bûbûn berpirsên nobedar ên Weşanê ên rojnameya Ozgur Gundemê.

122 rojnameger girtî ne. 36 nivîs û nûçeyên malperan, 8 karîkatûr, şeş kitêb û sê rojname hatin sansûrkirin. Ji ber “heqaretkirinê” 36 rojnameger bersûc in. Êrîş berbelav dibin. Tehdîtkarî berbelav dibe, 46 rojnameger bûn bêkar.

Serokomarê Recep Tayyîp Erdogan ji Twitterê xwestibû karîkatûrên karîkatûrîstê Brezîlî Carlûs Latûffî kiribû bên sansûrkirin, bianet jî tê de li 15 cihan nûçeya vê bûyerê hatibû nivîsîn bi daxwaza Erdoganî ew nûçe jî hatin astengkirin.

Wezareta Dadê ji bo serlêdana kesên di doza Rojnameya Cûmhûriyetê de girtî ne heman bersiva ji DMMEYê re şandibû ji Dadgeha Destûra Bingehîn re jî şandiye û gotiye ku “Ne ji ber karên rojnamegeriyê girtî ne”.

Malbat û hempîşeyên Metîn Goktepeyî di 22yemîn salvegera kuştina wî de rojnameger ew yadkirin. Di bernameya yadkirinê de hat gotin ku heta rojnamegerên girtî azad bibin ew ê têkoşîna xwe berdewam bikin.

Wezareta Dadê bersiva xwe ya derbarê dadgehkirina Denîz Yucel nûçegîhanê Die Weltê de ji Dadgeha Destûrê re şand ku ji Sibata 2017yê û vir ve li Tirkiyeyê girtî ye. Wezaretê tohmetên derbarê Yucelî de dubare kir.

Li gorî Rapora Binpêkirinê ya Mafên Çapemeniyê ya 2017yê ku ji hêla Însiyatîfa Rojnamegerên Azad (ÎRA) hat aşkerekirin, di salekê de 187 rojnameger hatine desteserkirin, 59 ji wan hatine girtin. 165 rojnamegeran jî di girtîgehê de derbasî sala 2018an bûne.

6emîn Dadgeha Cezayan a Sulhê li Enqereyê, biryar girt ku malperên nûçeyan Mezopotamya Ajans, Demokrat Haber, Ozgurlukçu Demokrasi û 1HaberVar werin astengkirin.

5emîn civîna doza Rojnameya Cûmhûriyetê li 27emîn Dadgeha Cezayê Giran a Stenbolê ya li Çaglayanê bi rê ve çû ku 5 jê girtî 20 gumanbar tên dadgehkirin. Dadgehê biryar girt ku rojnamger girtî bimînin û 3 parêzer nekarîbin dozê bişopînin. Civîna dadgehê wê di 9ê Adarê ya 2018yê saet 10.00ê sibê li Kampusa Saziyên Girtîgeha Sîlîvriyê çêbibe.

Li hemberî her du derhênerên filmê Bakur Ertûgrûl Mavîoglû û Çayan Demîrelî bi tawana “propagandeya rêxistinê” doz hat vekirin ku film di dema pêvajoya çareseriyê de li Êlihê hatibû nîşandan.

Li gorî rapora salê ya rêxistina Rojnamegerên Sînornenas, sala 2017yê 65 rojnameger hatine kuştin, 326 rojnameger hatine girtin, 54 rojnameger rehîn hatine girtin û du rojnameger jî winda ne. Tirkiye ew welate ku herî zêde rojnameger lê tên girtin.

Serokomar Erdoganî xwest ku karîkatûrên Carlos Latuffî werin astengkirin.

Komîteya Parastina Rojnamegeran a Navnetewî (CPJ) aşkere kir ku li gorî daneyan heta meha Kanûna Pêşiyê ya 2017yê li cîhanê 262 rojnameger di girtîgehan de bûn. Tirkiye du sal in ku dibe “welatê herî zêde rojnameger lê girtî ne”.

Tirkiyeyê ji bo doza Ahmet Şikî ya li DMMEyê paraznameya xwe şand û got ku Şik ne ji ber xebatên rojnamegeriyê girtî ye û îdia kir ku Şikî pesnê terorê daye û çalakiyên wî yên rewakirina tundiyê hene.

Ji bo azadiya Denîz Yucelî belavokek hat belavkirin ku 300 roj in di girtîgehê de ye. Bono, Orhan Pamûk, Fatîh Akin, Slavoj Zîzek di nava kesên îmze avêtine bin belavokê de ne.

Şeş rojnameger ji ber parvekirinên wan ên li medyaya civakî hatin dadkirin. Tûnca Ogreten û Mahir Kaat du rojnamegerin ku ji ber parvekirinên wan di girtîgehê de bûn, herdu rojnameger îro serbest bûn.

Li hemberî sînordariya azadiay çapemenî, xweîfadekirin û ramanê wê rojnameger, akademisyen û parêzer 2yê Kanûna Pêşiyê li Kadikoyê bimeşin.