Suleyman Soylû, Wezîrê Navxweyî aşkere kiriye, li Wanê firokeyekî keşfê ketiye xwarê û di encamê de 2 jê firokevan 7 karmendên ewlehiyê mirine.

Cesedên 3 kesên din ji Gola Wanê hatine derxistin. Heta niha 36 cesed hatine derxistin.

Walîtiya Şirnexê ji bo 3 rojan çûnûhatina 22 herêman qedexe kiriye.

Ekîbên lêgerîn û rizgarkirinê cesedên 4 penaberên din ji Gola Wanê derxistine. Li gorî vê encamê hejmara cesedên ku hatine derxistin gihîştiye 23an.

10em Daîreya Şêwra Dewletê biryara Lijneya Wezîran betal kiriye ku gotibû Ayasofya ne mizgeft lê muzexane ye. Lijneya Wezîran ev biryar di 24ê Çiriya Paşiyê ya 1934an de dabû. Li gor biryara nû, Ayasofya dikare weke mizgeft were qebûlkirin.

Piştî li Sakaryayê di fabrîkaya fîşekên hewayî de teqîn pêk hat, hinek şaredariyan biryar girtiye ku êdî di çalakiyan de fîşekên hewayî neyên bikaranîn.

Ekîbên lêgerîn û rizgarkirinê cesedên 6 penaberên din ji Gola Wanê derxistine. Li gorî vê encamê hejmara cesedên ku hatine derxistin gihîştiye 16an.

Dema wesayîtekê bermayiyên fîşekên hewayî yên fabrîkaya li Hendeka Sakaryayê vediguhest cihekî din, teqîn pêk hatiye. Li gorî zanyariyên destpêkê sê leşker mirine.

Kelemçeya elektronîk a ku li piyê siyasetmedarê kurd Mahmût Alinakî xistibûn, piştî bi mehekê hatiye derxistin.

Li Gola Wanê, tîmên lêgerîn û rizgarkirinê cesedê penaberekî din dîtine. Heta niha cesedên 13 kesan ji binê Golê derxistine.

Ji ber teqîna li fabrîkaya fîşekên hewayî ya li Hendeka Sakaryayê 2 xwediyên fabkîrayê hatibûn desteserkirin. Yek ji wan hatiye girtin û yê din jî bi şertê kontrola edlî serbest bûye.

Rojbîn Çetîn, Endama HDPyê bi tohmeta ku “endama rêxistinê ye” hatiye girtin.

4 kesên ku ji ber teqîna li kargeha fîşekên hewayî ya li navçeya Hendeka Sakaryayê hatibûn desteserkirin, hatine girtin. Herdu xwediyên fabrîkayê jî hatine desteserkirin.

Dadgehê ji bo Akademîsyenên Aştîxwaz, Şebnem Korur Fincanci û Gençay Gursoyî biryara beraetê da. Piştî ku Dadgeha Destûrî biryar dabû û gotibû, “mafên wan hatiye binpêkirin” her du akademîsyen ji nû ve dihatin dadgehkirin.

Piştî ku li Gola Wanê kelekeke penaberan binav bûbû û gelek kesên tê de winda bûbûn, xebatên rizgarkirina wan kesan dest pê kiribûn. Cesedên 2 penaberên din hatine dîtin.

11 mafparêzên di doza Buyukadayê de dihatin dadgehkirin, hatine cezakirin. Li gor biryara dadgehê Taner Kiliç 6 sal û 3 meh, Gunal Kûşûn, Îdîl Eser û Ozlem Dalkiranê sal û 13 meh cezayê girtîgehê xwariye. 7 kesan beraet kiriye.

Fahrettin Koca, Wezîrê Tenduristiyê diyar kiriye ku çar kes di encama teqînê de mirine, 97 kes jî birîndar bûne. 16 ji van piştî dermankirinê ji nexweşxaneyan şandine malên wan.

Komeleya Mafên Mirovan di daxuyaniya xwe de gotiye ku ew kesên di Qetlîama Madimakê de mirine bi rêzdarî bibîr tînin û ji bo rastî derkevin holê ew ê têkoşîna xwe berdewam bikin.

Di 27emîn salvegera Komkujiya Sêwasê de destûra meşê nayê dayîn û wê tenê 100 kes bikaribin beşdar bibin. Eren Aysan, keça wêjevan Behçet Aysanê ku di qetlîamê de hatibû kuştin, got:“Li gorî nêrîna me bîranîn pir girîng in, ji ber ku ev li dijî çanda lîncê hişyariyeke.”

Serdozgerê Komarî yê Kerbaronê di lêpirsîna doza JÎTEMê de biryar da û got, hewce bi şopandina dozê tune ye. Ji ber kuştina 7 gundiyan doz hatibû vekirin.