Li Midyatê, navçeya Mêrdînê 3 wesayit li hev ketine û di encamê de 6 kes mirine, 2 kes jî bi giranî birîndar bûne.

Nûnerên partiyên siyasî û rêxistinê civaka sîvîl ên dibin banê Xebatên Tîfaqa Kurdistanî de cih digirin, xwestine serdana wan malbatan bikin ku li Sakaryarê rastî êrîşê hatine. Lê leşkeran bi hinceta “karantîna heye” destûr nedane

Rêveberiya girtîgehê daxwaznameya sewqkirinê ya Akmana rojiya mirinê digire, qebûl nekiriye. Serlêdana parêzeran ji bi gotina “bila ew bi xwe serî lê bide” hatiye redkirin. Akman niha li nexweşxaneyê ye.

Li Belarûsê di xwepêşandanên dawiya heftê de herî kêm 100 hatine desteserkirin. 4 hefteye xwepêşandan didome.

Gulşen Ozbek, parêzera Makbûle Ozbeka girtiya nexweş aşkere kiriye, ji bo Makbûle Ozbeka girtî ya ku krîza dil derbas kiriye serbest bimîne wan serî li dadgehê daye û dadgehê daxwaza wan pejirandiye.

Cîhan Sîncar, hevjîna Mehmet Sîncar, Parlamenterê DEPê di salavgera kuştina hevjînê xwe de li ser gora wî axiviye û gotiye: “Bila ev jî şerma dewletê be ku heta niha qatilên parlamenterê xwe dernexistiye holê.”

Komîteya Wezîran a Konseya Ewropayê bal kişandiye ser biryara DMMEyê ya derbarê Osman Kavalayî de û gotiye ku bila biryara tehliyekirinê bicih were.

Wezareta Navxweyî ji walîtiyan re giştnameyeke bi sernavê "Di Çarçoveya Tedbîrên Covîd-19ê de Kontrola 4ê Îlona 2020an" şandiye.

3 kesên ku êrîşî Bariş Atay, Parlamenterê TÎPê û lîstîkvanî kirine, bi tohmeta “bi zanebûn birîndar kirine” hatine girtin.

Dadgehê ji ber ku delîlên heyî têra cezakirina wî nake, biryara beraetê ji bo derhêner Kazim Ozî daye. Dozgerî xwestibû ku Oz di navbera 7 salan û 15 salan were cezakirin.

Başak Demîrtaşê destnîşan kiriye û gotiye, “Destûr nedane Selahettîn keçên me Delalê û Dildayê bi hev re bibine. Di destpêka pandemiyê heta niha Selahettîn bi tenê carê karîbiye keçên xwe cûda cûda bibîne.”

Rêvebiriya Rêyên Hesinî ya Dewletê li Amedê dest bi çêkirina dîwarê beton ê li her du aliyên rêya trênê kiriye. Dîwar dê 12 kîlometre dirêj û 2 metre jî bilind be. Sazîyên civaka sîvîl gotine ku ji bo lêkirina dîwarî rapora NTHyê (Nirxandina Tesîrên Hawirdorî) nehatîye standin.

Cenazeyê Ebrû Tîmtîkê îro li Goristana Gaziyê hatiye binaxkirin. Barkin Tîmtîk, birayê Ebrû Tîmtîkê yê girtî digel dozgerî destûra wî daye ku beşdarî merasîma binaxkirinê bibe, lê cendermeyan nehiştine.

Li Eskîşehîrê wesayita karkeran qulipî ye û di encamê de du karker mirine, 12 jî birîndar bûne.

Parêzer Ebrû Tîmtîka ku 238 roj in rojiya mirinê digirt duh bi şev can daye. Tîmtîkê dixwest ku bi awayekî adilane were dadgehkirin.

Brenton Tarrant, li Zelandaya Nû bi çekan êrişî 2 mizgeftan kiribû û 51 kes kuştibû. Dadgehê cezaya heta hetayî li Tarrantî biriye.

Hemû miretebatên trêna ku bi nîgarên Keskesorê hatîye xemilandin, ji LGBTI+yan pêk hatiye.

Piştî ku polîsan Jacob Blake-ê afro amerîkî kuşt, li Wisconsinê, eyaleta DYAyê xwenîşandan destpê kiribûn. Xwenîşandan di roja sêyem de dewam dikin.

ÎHDya Enqerê xwestiye ku Acûn Karadag, Alev Şahîn, Nazan Bozkûrt, Mehmet Dersûlû, Armagan Ozbeş û Mahmût Konûk, çalakvanên li Kolana Yukselê hatine desteserkirin, bila serbest bibin.

Li eyaleta Wisconsinê ya DYAyê polîsan ji paş wî de heft gule bera afro-amerîkayiyekê dane.