Wezareta Bazirganiyê doza girtina saziya Anadolu Kulturê kiriye. Saziyê di daxuyaniya xwe de gotiye, “Di dîroka Komara Tirkiyeyê de yekem doz e ku ji ber ‘şîrketek xebatên xwe di bin navê komele an jî weqifê de û ne bi armanca qezenckirina pereyan dike’ hatiye vekirin.”

Duh bi şev bi mûşekan êrîş birine ser Hewlêrê û di encamê de sivîlekî can daye, 5 karmend û leşkerekî amerîkî jî birîndar bûne.

Sevda Sûbaşi, Hevseroka Bajarê Qersê a HDPê jî di nav de 3 kes hatine girtin. Ev kesana di 12ê Sibatê de hatibûn desteserkirin.

Komeleya Mafên Mirovan û Rêxistina Efûyê ya Navneteweyî piştgirî dane Kemal Sancili, Înan Kizilkaya, Eren Keskîn û Zana Kaya ku îro di doza Ozgur Gundemê de ceza girtibûn.

IHDyê ew kes şermezer kirine ku di dema operasyona Gareyê de bûne sedema kuştina 13 kesan. IHDyê gotiye ku divê li dadgehan hesap ji wan kesan were xwestin.

Dadgehê di doza rojnameya Ozgur Gundemê de 6 sal û 3 meh cezayê girtinê li Eren Keskîn, İnan Kizilkaya û Kemal Sancili û sal û 13 meh jî li Zana Kayayî birî ye.

Piştî ku nivîskar Mihemed Ronahiyî li dijî bikarhênerekî medyaya civakî gotinên homofobîk bikar anî, rastî bertekan hat.

Mîthat Sancar, Hevserokê HDPê biryara Dadgeha Destûrî ya ku derbarê Enîs Berberoglûyî de dabû, nirxandiye û gotiye, “ Enîs Berberoglû careke din li meclîsê dest bi wezîfeyê kir. Divê weha jî biba. Lewra parlamenterên me Leyla Guven û Mûsa Farisogûllari jî di heman rewşê de bû lê rastî cûdakariyê hatin.”

Weşanxaneya NAyê “Seta Êzdiyatiyê” weşandiye ku di setê de 5 pirtûk hene û ev pirtûk behsa bawerî, çand, ziman, huner û dîroka êzidiyan dikin.

ÎHDyê Rapora Binpêkirina Mafên Mirovan a Sala 2020an a Herêma Rojhilat û Rojhilatê Başûrê Anatoliyayê aşkere kiriye û bal kişandiye ser bi awayekî sistematik zêdebûna binpêkirina mafên mirovan.

Li Edlîyeya Çaglayanê herî kêm neh kes ji bo ku xwestine 5 xwendekarên ku piştgirî dabûn protestoyên Bogazîçiyê û ji ber vê hatibûn desteserkirin, were azadkirin hatine desteserkirin.

Wezareta Karên Derve ya DYAyê di daxuyaniya xwe ya derbarê Osman Kavalayî de destnîşan kiriye û gotiye, “Em bang li Tirkiyeyê dikin ku divê demildest Osman Kavalayî azad bikin û doza wî bi awayekî zû û zelal were bi dawî kirin.

Artêşa Tirkan li Gareyê operasyoneke leşkerî daye destpêkirin. Di encama şer û pevçûnan de serpel Burak Coşkun û binefser Harun Turhan mirine.

Dr. Şeyhmûs Gokalp, endamê Lijneya Bilind a Rûmetê ya TTByê piştî ku 2 meh û nîvan girtî ma, îro biryara tehliyeyê ji bo wî derketiye.

Di doza ku karmendên dewletê têde tên dadgehkirin ya derbarê kuştina Hrant Dînkî de parêznameyên tohbetbaran û gotinên parêzerên malbata Dînkî temam bûn. Tê çaverêkirin ku dadgeh di danişîna 5ê Adarê de biryara xwe aşkere bike.

Lêpirsînname ji bo Cevdet Kiliç, Dekanê Fakulteya Îlahiyatê yê Zanîngeha Trakyayê hatiye vekirin ku gotibû, “Ev mehek derbas bûye ku hûn çalakiyan dikin, ne. Em çalakiyan nakin. Em şevê karê xwe diqedînin û sibehê diçin ser karê xwe, min xwest hûn bizanibin.”

Polîsên Myanmarê li gel ku civînên mezin yên ji gel re vekirîne hatine qedexekirin, êrişên xwe yê li ser xwepêşanderên zêde kirine.

Doktorê ku ji nexweşekî xwe re gotibû “Elewî li Cemxaneyan reqqaseyan didin lîstin. Hemû terorîst in. Berkin Elvan jî terorîst e” hatiye cezakirin. Dadgehekê bi tohmeta ku “kîndarî û dijminatiyê di nava gelî de çêdike” ceza lê biriye û cezayê wî taloq kiriye.

Rêxistinên civaka sivîl derbarê greva birçîbûnê ya li girtîgehan de daxuyaniyek dane û gotine “Di serî de mafê tenduristiyê, ji bo hemû mafên jiyanê yên girtiyan werin parastin, divê rayedar persiyariyên xwe pêk bînin.”

53 kesên ku li Kadikoyê him ji bo piştgiriyê bidin xwenîşandanên Bogaziçiyê û him jî ji bo avakirina Hêzên Têkoşîna Yekgirtî ragihînin hatibûn ba hev û polîsan ew desteser kiribûn, bi şertê kontrola edlî serbest mane.