Bi tohmeta ku “alîkariya rêxistinê kiriye” dadgehekê 2 sal û mehek cezayê girtîgehê daye Aho (Sefer) Bîleçen, Keşeyê Dêra Mor Yaqûbî.

Digel ku di dema pandemiyê de qedexe bû, karkeran ji kar derxin lê bi “Kod 29ê”, mehê 14 hezar û 772 karker, rojhe 491 karker ji kar derxistine.

Rojnameger Melîs Alphanê di dadgehê de parastina xwe kiriye û gotiye, “Min wêneyekî parvekir ku derbarê min de doz hat vekirin. lê me nebihîstiye ku li dijî Waliyê Amedê, midirê emniyetê, Efkan Ala, Wezîrê Navxweyî yê wê demê û rayedarên din ên hikûmetê ku wê rojê li wir bûn, pêvajoyek dadwerî hatibe destpêkirin."

Li gorî rapora Baroya Amedê sala par serokên baroyan jî di nav de ji ber çalakiyên pîşeyî 78 doz û lêpirsîn li 69 parêzeran hatine vekirin.

Dayikên Şemiyê ji bo Coboyê peyamek weşandiye û wiha gotiye: “Têkoşîna bibiryar a Carmen Coboyê ya ji bo edalet û rastiyê ji bo me mîrate ye ku ji bo keça xwe Ines û hemû kesên li Arjantînê hatine windakirin dida.”

Dadgehê 37 sal û 9 meh ceza li Fadil Şenyaşar kurê Emîne Şenyaşarê biriye. Emîne Şenyaşarê derbarê biryara dadgehê de gotiye, “"Em êdî nikarin li vê xakê bijîn. Ez ê niha biçim mala xwe barkim. Ev çawa dewlet e, ev edaleteke çawa ye?"

Parêzerên malbata Dinkî gotine ku biryara dadgehê ya di doza kuştina Hrant Dinkî de kêm û şaş e. Parêzeran serî li Dadgeha Edliyeyê ya Herêmî dane.

Selahettîn Demîrtaş û Fîgen Yuksekdag, Hevserokên berê yê HDPê, Ayhan Bîlgen, Hevşaredarê Qersê û Gulten Kişanak, Hevşaredara Amedê bi sîstema deng û dîmenî(SEGBÎS) tevlî dadkirinê bûne.

Li Kadikoyê duh polîsan midaxeleyî çalakiya Bogazîçiyê kiribûn û gelek xwendekar hatibûn desteserkirin. Kesên hatine desteserkirin piştî îfadeyê serbest bûne.

Polîsan careke din xwestiye ku Emîne Şenyaşar û kurê wê Ferît Şenyaşarê li ber avahiya Edliyeya Rihayê çalakiya rûniştinê dikin, desteser bikin. Di vê demê de polîsan li Ferît Şenyaşarî dane. Şenyaşar birine nexweşxaneyê.

Tulay Hatîmogûllari, Alîkara Hevserokên HDPyê Cejna Akîtûyê ya Asûrî/Suryaniyan pîroz kiriye.

Malbata Şenyaşar 22 roj in li pêş Edliyeya Rihayê bi daxwaza edaletê çalakiya rûniştinê dane destpêkirin.

Di Doza JÎTEMê ya Kerboranê de digel hemû delîlan, dozgerî bi îdiaya ku ti delîlên berbiçav nînin, dawxaza beraeta bersûcan kiriye.

Polîsan xwendekarên ku xwestine li ber avahiya Edliyeyê ya Çaglayanê piştgiriya xwendekarên desteserkirî bikin, desteser kirine. Duh li ber Zanîngeha Bogaziçiyê di dema xwenîşandana protestoyî de polîsan ji ber ala keskesor vekiribûn, xwendekar desteser kiribûn.

Di doza ku karmendên dewletê têde tên dadgehkirin ya têkildarî kuştina Hrant Dînkî de dosyeya 13 kesan ji ber ku parêznameyê wan nehatine girtin, hat cihêkirin. Di dozê de 37 kes bereat bûn û 26 kesan ceza stendin. Her weha 4 bersûc bi cezaya heta hetayî û 2 bersûc jî bi cezaya heta hetayî ya giran hatin cezakirin.

12 xwendekarên ku rektoriya Zanîngeha Bogaziçiyê protesto dikirin, polîsan ew desteser kirine. Xwendekaran gotine ku heta hevalên wan serbest nebi ew ê dest ji nobetê bernedin. Polîsan midaxeleyî wan kiriye.

Polîsan midaxeleyî çalakiya malbata Şenyaşaran kirine ku li pêş Edliyeya Rihayê bi daxwaza “Edaletê” çalakiya rûniştinê dabûn destpêkirin. Ferît Şenyaşar û Emîne Şenyaşar desteser kirine.

Yekem danişîna doza Dayik/Mirovên Şemiyê îro pêk hat ku di hefteya çalakiya xwe ya 700î de polîsan êrîş biribû ser wan. Dadgehkirin wê di 12yê Tîrmehê de dewam bike.

Agir bi wargeha ku penaberên misilman yên arakanî lê dimîne ketiye û di encamê de nêzîkî 15 hezar stargehî ji nav çûye, 28 kes mirine û ji 40î zêdetir kes jî birîndar bûne.

HRWyê behsa pêşketinên di çend mehên dawiyê de li Tirkiyeyê pêk hatine kiriye û gotiye ku “Erdogan êrîşî mafên mirovan û demokrasiyê dike.”