Akademîsyen Hifzûllah Kûtûm ku ji ber peyama “Bijî Kurdistanê” derbarê wî de lêpirsîn hatibû destpêkirin, îro ji kar derxistine û piştre jî hatiye desteserkirin.

Heyeta dadgehê di doza Qetlîama Vartînîsê de biryar da ku li bendî zeftkirina bersûcî bimînin.

Koma Dostaniya Kurdan a Parlamentoya Ewropayê ji NYyê daxwaz kiriye ku lêkolînekê li ser îdiayên dibêjin, “Tirkiyeyê li Herêma Kurdistanê çekên kimyewê bikar aniye” bike.

4emîn Dadgeha Cezayê Giran a Konyayê îddianameya têkildarî qetilkirina malbata Kurd ya Dedeogullari qebûl kiriye. Di îddianameyê de ji bo kesê bi navê Mehmet Altun ku 7 endamên malbata Kurd qetil kiribûn, 7 caran cezayê zindanê ya heta hetayê ya girankirî hatiye xwestin. Herwiha 5 bersûcên dozê jî serbest hatine berdan.

Dozgerî xwestiye weşanger û nivîskar Azad Zal bi 15 sal cezayê girtîgehê were cezakirin.

Li Rihayê li Ûgûr Tekstîlê karkerên ku bi Kod-18ê ji kar hatibû avêtin dîsa dest bi kar kirine. Mehmet Turkmen, Nûnerê Herêmê yê Tekstîlê yê DISKê gotiye, “Yekitî, têkoşîn û piştgirî biserket.”

Osman Kavalayî ji Girtîgeha Sîlîvriyê peyamek şandiye û gotiye, “Piştî ku ji jiyana min çar çû tişta ku dê ez teselliyê jê bigirim ew e, dibe ku tiştên ez pê re rûbirû mabim tevkariyê li rûbirûmayîna bi pirsgirêkên li dadgeriyê re bike û yên piştî min ê ku derkevin pêşberî dadgehê wê bi awayekî adîltir miemeleyê bibînin.”

Demîrtaşî bal kişandiye ser sînordanînên hevdîtinên bi malbat û parêzeran re û gotiye, “Girtîgeha Edîrneyî di 20 rojên dawiyê de bi slogananên protestokirinê dinale, deng tê we?”

Parêzerên ku biryara tayînkirina kayûmî ya ji bo Şaredariyên Bajarên Mezin ên Amed, Wan û Mêrdînê li Stenbolê protesto kiribûn, piştî polîsan giliyê wan kiriye, doz li wan vebûye.

Apro Dîrîlê ku di çarçoveya lêpirsîna têkildarî wendabûna Hurmuz û Şîmonî Dîrîl li Şirnexê di 2ê Çiriya Pêşiyê de cara duyem hatibû girtin, serbest bûye.

Dozgeriyê derbarê Cemîl Taşkesen de bi tohmeta ku “propagandaya rêxistinê kiriye” lêpirsîn daye destpêkirin. Taşkesenî ji Meral Akşener, Seroka Giştî a IYI Partiyê re gotibû, “Cihê ku hûn niha lê ne Kurdistan e, lê mixabin li parlamentoyê ev `Kurdistan` tê înkarkirin.”

Lêgerîna Edaletê ya Malbata Şenyaşarî didome.Malbatê destnîşan kiriye û gotiye, “Em dixwazin ku rêgezên komarê bên pêkanîn.”

Li Stenbolê di operasyona li dijî berhevkarên gilêşan de 3 kesên ku hatibûn desteserkirin, piştî 24 rojan serbest hatine berdan.

Li Tûnisê polîsan derb li Bad Baabouyî daye.Baabou, Serokê Komeleya Damjê ye ku ji bo mafên LGBTI+yan têdikoşe.

Serdozgeriya Komarî ya Îzmîrê di îdianameya xwe de îdia kiriye ku beriya êrîşê, di dema êrîşê û dawiya wê de kesê alîkarî daye Gencerî nîne yan jî ti têkiliyeke wî ya bi rêxistinekê re nehatiye dîtin.

Parêzer Kazim Bayraktarî ji heyeta dadgehê re gotiye: “Daxwazên me li bin guhê dîwarên Qesrê dikevin û bi şûn de vedigerin lê em bi israr dewam dikin.”

Rêxistinên civaka demokratîk qedexeya çalakî û bernameyan a li Wanê bi civîneke çapemeniyê protesto kiriye. Li Wanê hezar û 800 roj in ku çalakî qedexe ne.

Demîrtaş di doza Kobaniyê de gotiye, “Tehliyeya çi, hûn kî ne ku hûn ê me tehliye bikin! heta ku Erdogan û Bahçelî hebin. Eger hûn bi rastî jî bi rûmet bin hûn ê cubeyê xwe derxînin û bibêjin, ‘em ê serweriya hiqûqê bi kesî nedin pelçiqandin’.”

Şaxa ÎHDê ya Stenbolê rapora xwe ya ku derbarê binpêkirinên mafan ên 3 mehên dawîn ên li girtîgehên Herêma Marmarayê de amade kiribû aşkere kiriye.

Dadgehekê li Erzîncanê 6 sal û 8 meh cezayê girtîgehê daye her yek ji kesên ku beşdarî çalakiyên berxwedana Geziyê bûne. Dadgehkirina wan 8 salan dewam kiriye.