Ji bo parêzbendiya wan rabe derbarê 13 parlementerên HDPê de 16 fezlekê amade kirine. Fezlekeyên parêzbendiyê pêşkeşî Serokatiya Meclîsê kirin e.

Komeleya BİRARADAyê gotiye ku serlêdanên bi dehan akademîsyenên endamên komeleya wan jî nehatine qebûlkirin.

Komîsyona Parêzerên Doza 10ê Çiriya Pêşiyê, Qetlîama Enqereyê gotiye ku faîlên rast ên qetlîamê û rayedarên dewletê yên berpirsiyariya wan heye, bi zirxê necezakirinê tên parastin.

Komeleya Dersdarên Zanîngehan gotiye ku biryarên Komîsyona Rewşa Awarte yên derbarê akademîsyenan de “aşkere ye ku siyasî ye”.

Welatî ji ber zêdebûna bihayê xurekan bigazindin: “Ji ber polîtîkaya bihayan ya hikûmetê, dîsa welatî zehmetiyan dikişînin. Her hefte etîtekên li marketan diguherin, bihayê tiştan zêde dibe.”

Ji ber îfadeyên şahide îtirafker, Dr. Şeyhmûs Gokalp 80 rojan girtî mabû û ji bo Gokalpî ji 7 heta 15 salan cezayê girtîgehê dihat xwestin. Doktor Şeyhmûs Gokalp beraet kiriye.

Polîsên sivîl û cendirmeyan li Ertemêtan, navçeya Wanê bi iddiaya ku “bombe” li malê heye bi ser mala Hîkmet Tûnç, nûçegîhana Jin Newsê de girtiye. Her weha Emrûllah Acar, nûçegîhanê Ajansa Mezopotamyayê vê sibê hatiye desteserkirin.

li Dêrsimê lêpirsîna wan kesan hatiye kirin ku di 84 saliya darvekirina Seyîd Riza û hevalên wî de, belavokên bernameya yadkirinê belav kirine.

Gulîzar Bîçer Karaca, Parlamentera CHPê daxwaza edaletê ya malbata Şenyaşarî li Civata Giştî ya Meclîsê kiriye rojev û gotiye, “Piştgiriyê bidin qêrîna ji bo edaletê û bila edalet di zûtirîn demê de were pêkanîn.”

Suleyman bi îdiaya ku “endamê rêxistinê ye” hatiye desteserkirin.

Danişîna doza Dîndar Karataş, nûçegîhanê Ajansa Mezopotamyayê li 3êm Dadgeha Cezayê Giran a Erzîromê pêk hatiye. Dadgehê biryara beraetê ji bo Karataşî daye. Axavtinên li ser telefonê û nûçeyên ku Karataşî çêkerine weke sedem hatibû nişandan ku di “endamtiya rêxistinê” de were tohmetbarkirin.

Mahmût Olgûnê li Girtîgeha Sîlîvriyê girtiye ragihandiye ku ji ber govend gerandiye cezayê dîsîplînê û ji ber pirtûka ku bi kurdî nivîsiye jî 5 roj cezayê hucreyê li wî hatiye birîn.

HDPyê û Baroya Amedê giliyê endamê berê yê MITê, Mehmet Eymurû kirine. HDP û Baroyê, xwestine lêpirsîna sûcên di salên 1990î de hatine kirin, bibe.

KESK û TTByê piştî ku Komîsyona Rewşa Awarte serlêdanên Akademîsyenên Aştîxwaz qebûl nekir, li Navenda Giştî ya Yekîtiya Milkiyeyiyan civîneke çapemeniyê li dar xistiye.

Koçberên kurd li ser sînorê Belarûs û Polonyayê ne û li bendê ne ku derî li ber wan vebin û ew biçin Ewropayê.

Lêgerîna Edaletê ya Malbata Şenyaşarî didome. Malbatê destnîşan kiriye û gotiye, "Ev bû 3 sal û 5 meh hêj li holê doz nîne. Kujer jî serbest digerin. Dozger tenê dayika ku li pey doza xwe ketiye didarizîne."

Mem Araratî gotiye “Vê êvarê rayedarekî ji Şaredariyê li Zîz Muzîkê geriyaye û gotiye, ‘Me nedizanî di konsertê de dê stranên bi kurdî bêne strîn.”

ÎHDyê bang li wan partiyên siyasî kiriye ku li Parlamentoyê komên wan hene û xwestiye ku ji bo rûmeta wan li wan vegerînin qanûneke taybet were derxistin, cihên goran werin aşkerekirin û navê Dêrsimê lê vegerînin.

Li gorî rapora ISIGê di meha Çiriya Pêşiyê de herî kêm 165 karker mirine. Ji wan karkeran jê16 jin, 149 jî karkerên mêr bûne.

Hunermend Ateş Alparî ji bo balê bikişîne ser rewşa Osman Kavalayî, fotografekî wî li kolanên Stenbolê gerandiye.