Li navçeya Kadikoyê ya Stenbolê kesekî li ser dîwarê Dêra Ermeniyan a Surp Takavorî nivîsên nijadperestane nivîsîne û gelaş rijandine ber deriyê dêrê.

Li gor rojnameyeka Ingilîzîstanê ya bi navê Guardian, di meha Nîsanê de 2 hezar û 900 penaber çûne Yunanistanê.

Sendîkaya Lîstikvanan bangî lîstikvanên fîlam kiriye û diyar kiriye ku ew ê roja 1ê Gulanê ne li navendên fîlmçêkirinê bin lê ew ê li meydanan bin.

IFEX, rêxistina mezin a kesên ku daxwaza azadiya xweîfadekirinê dikin, ji bo beşdariya kampanyaya îmzeyan a bi armanca azadiya dersdêr Ayşe Çelîkê hatiye destpêkirin, bibin bangewaziyek kir. Ji ber ku di weşana zindî de gotibû “bila zarok nemirin” Çelîk û pitika wê ketibûn girtîgehê.

Ji beriya 1ê Gulanê polîsan dora meydana Taksîmê bi sîncan girtine. Rêxistinên mafparêz diyar kirin ku ew ê 1ê Gulanê li meydana mîtîngan ya li Maltepeyê pîroz bikin.

Li 69 gund û gundikên navçeya Licê û Qulpê yên Amedê derketina derve hatiye qedexekirin. Walîtiyê aşkere kir ku wê operasyon çêbibe.

Wezareta Dadge biryar girt ku Girtîgeha Dîvrîgiyê, ji bo 30 salan bide Komeleya Haci Bektaş Veliyî ya li Dîvrîgiyê. Girtîgeha ku di sala 2007ê de hatibû girtin wê bibe Cemxane.

Ji bo Celalettîn Canê ku 78 roj in girtî ye, hevalên wî daxwaza azadiya wî kirin, nameyên bangewaziyê ji partiyên siyasî û rêxistinên civaka medenî re şandin.

HDPyê di 103yemîn salvegera qirkirina Ermeniyan de diyar kir ku “Rûbirûbûyîna bi sûcên li hemberî mirovahiyê re, wê ji bo avakirina aştiya civakî, bibe gaveke girîng”.

Walîtîya Stenbolê xwest di daxuyaniya ji bo bîranîna 1915ê gotina qirkirinê neyê gotin. Herweha walîtîyê rêûrisma ji bo bîranîna wan kesên di 24ê Nîsana 1915ê de mirîn jî betal kir.

Walîtîya Şirnexê diyar kir ku leşkeran li dijî PKK(Partiya Karkerên Kurdistanê) operasyonek kiriye, di operasyonê de teqemeniyeka bi destan hatî çêkirin li leşkerekî teqiyaye û ew miriye.

Ji ber Dadgeha Destûrê serîlêdana parêzerên wê qebûl nekiriye, dersdêr Ayşe wê bikeve girtîgehê. Dersdêr Ayşe di 8ê Kanûna Paşiyê ya 2016ê di dema weşana zindî de gotibû “Li vir zarokên ku hîna jidayik nebûne û dayik dimirin, bêdeng nemînin” bi tohmeta “propagandaya rêxistinê” kiriye ceza dabûnê.

Sendîkaya Rojnamegeran a Tirkiyeyê çû serdana rojnamegera girtî, Zehra Doganê. Doganê ji sendîkayê re behsa şertên girtîgehê kir.

Komîteya Pêşîlêgirtina li Îşkenceyê ya Konseya Ewropayê, di rapora xwe ya sala 2017yê de bal kişand ser bêhiqûqiyên li navendên desteserkirinê û girtîgehan û diyar kir ku rê li ber gilîkirina li hemberî kiryarên îşkenceyê bên vekirin.

Li navçeya Yayladagiyê ya bajarê Hatayê leşkerekê li qereqola li ser sînorî kar dikir şeva dî birîndar bûye. Leşkerê birîndar îro miriye.

Êzidî, Çarşema pêşiyê ya piştî 13ê Nîsanê wek cejna Çarşema Sor pîroz dikin. Cejna Çarşema Sor pîroz be.

Nivîskarê rojnameya Independentê, Robert Fisk ji bo lêkolînê çûye navçeya Dumayê ya Sûriyeyê. Fiskî di nivîsa xwe de diyar kiriye ku bijîşkê li nexweşxaneya wê derê gotiye çekên kîmyayî nehatiye bikarînan.

Dewletên Yekbûyî yên Amerîkayê(DYA), Fransa û Ingilîzîstan Sûriyeyê bi wê yekê sûcdar dike ku wê çekên kîmyayî bi kar aniye û ji ber wê hersê dewletan di 14ê Nîsanê de li Sûriyeyê dan. CNBCyê maliyeta wê operasyonê hesibandiye.

Li Şirnexê endamên PKKyê(Partiya Karkerên Kurdistanê) êrîşî bingeheka leşkerî kirine, sê leşker mirine û leşkerek birîndar bûne.

Bi hinceta ku wê operasyon li dar bikeve, li gund û gundikên navçeya Xîzanê ya Bedlîse derketina derve hatiye qedexekirin.