Kîbrîye Evren rojnamegerek e ku 9ê Çiriya Pêşiyê li Amedê hatibû girtin, ew ê 6ê Kanûna Pêşiyê bê dadkirin.

Ji beriya sê salan li Cizîrê 189 kes hatibûn kuştin. Orhan Tunç jî yek ji wan kesan bû, malbata wî li Dadgeha Mafên Mirovan a Ewropayê(DMME) doz li dewleta Tirkiyeyê vekiribû. DMMEyê duhî Tirkiye dad kiriye.

Deniz Kimyon lêkolînêrek e ku li Zanîngeha Mûşê dixebitî û di dema Rewşa Awarte de bi Biryarnameya di Hikmê Qanûnan de ji karê wê hatibû avêtin. Zanîngehê nehiştiye, dadgehê sebeba wê pirsîye.

Wezareta Karên Navxweyî îro eşkere kiriye ku wezaretê li hesabên medyaya civakî yên 227 kesan nêriye û ji ber parvekirinên li medyaya civakî lêpirsîn li 182 kesan hatiye vekirin.

Keleka penaberan nêzîkî navçeya Dîkîlîyê ya bajarê Izmîrê binav bûye. Çar kes mirine şeş kes winda ne. Du kesan melevanî kirine û xwe gihandine bejîyê, hêzên gihandina hewarê kesek xelas kiriye.

DMME sibê wê derbarê kuştinên di jêrzemînên Cizîrê de çêbûne nîqaş bike ku beriya niha li Tirkiyeyê pêvajoya hiqûqê bê encam mabû. Parêzer Demîrî got, “Sibê li gel bingeha qanûnî ya qedexeyên derketina derve wê bê nîqaşkirin ku gelo li gorî hiqûqê bû yan na.”

Li Şirnexê li derdora Çiyayê Gabarê di dema operasyonê de bombeya ku bi destan hatiye çêkirin û li ser rê hatiye bicihkirin teqiyaye. Di encama teqînê de du leşker mirine, pênc leşker jî birîndar bûne.

Tahir Elçî mafparêz û parêzerek bû ku dema serokê BAROya Diyarbekirê bû, hatibû kuştin, Muharrem Erbeyê parêzer “çîroka jiyana wî nivîsîye.” Erbeyî gotiye her kes dipirsin ka Tahir çawa miriye lê min di kitêbê de nivîsî ka ew çawa jiyaye.

Lîga Mafên Mirovan ji sala 1962yê ve li ser navê rojnamegerê Alman Carl von Ossietzkyî, xelatê dide mafparêzan. Xelata îsal Leyla Îmret û Ottmar Miles Paulî standiye.

Wekîla Partiya Gelan a Demokratîk(HDP) ya Colemêrgê û hevseroka Kongreya Civaka Demokratîk, Leyla Guvenê daye zanîn ku wê dest bi greva birçîbûnê kiriye.

Kakerên avakirina Balafirgeha Stenbolê ji bo di şertên mirovane de kar bikin li balafirgehê xwenîşandanek pêk anibû. Cendirme û polîsan karkerên xwe nîşan dayîn desteser kiribû, dozgerekî îdianameyek li ser karkeran amade kiriye û Dadgeha Stenbolê qebûl kiriye.

Wezareta Karên Navxweyî rapora xwe ya hefteyane eşkere kiriye û diyar kiriye di hefteyekê de lêpirsîn li ser 142 kesên bikarhênerên medyaya civakî hatiye vekirin.

Neteweyên Yekbûyî îro raporek weşandiye û tê de diyar kiriye lku DAIŞê li Iraqê ya kêm li 200 cihan mirov bi komî bin-ax kirine.

Wezîrê veguhestin û plansaziyê yê Tirkiyeyê, Cahit Turhanî bersiva pirsên rojnamegeran daye û diyar kiriye ku ji bo avakirina Balafirgeha Stenbolê 30 karker mirine.

Alî Fîkrî Işik rojnamegerek e ku li ser fûtbola(tepa pêyan) dinivîse herweha ew bi wijdana xwe red dike ku biçe leşkeriyê wî nêrînên xwe li medyaya civakî nivîsîye dozgerekî doz lê vekiriye.

Di deh mehên sala 2018ê de 1640 ksrker mirine. Di meha Çiriya Pêşiyê(Cotmeh) de 177 kes mirine 10 ji wan jin in 2 ji wan zarok in.

Cemal Kaşikçi ew rojnameger e ku li Balyosxaneya Erebistana Siûdiyê hatiye kuştin lê termê wî nehatiye dîtin. Zarokên wî dixwazin termê bavê xwe veşêrin/binax bikin.

Derbarê Nazir Cihangir İslamî de bi tohmeta ku “Dewleta Komarî ya Tirkiyeyê, sazî u dezgehêm dewletê biçûk xistiye” û “pesnê sûcî û sûcdarî daye” lêpirsînname hatiye amadekirin.

Li bajarê Stenbolê li taxa Ûraniyeyê axa dora tûnelekê hezaye, du kes li bin axê mane û mirine.

Prof. Dr. Şebnem Korur Fincanci, Seroka TİHVê û mafparêz hêjayî Xelata Aştiyê ya Hessenê hatiye dîtin.