Li navçeya Licêyê ya Amedê, bi destê sibê re bi sedema ku wê operasyonên leşkerî çêbibin li 4 gund û gundîkan derketina derve hatiye qedexekirin. Ev 193emîn qedexeye ku li vê deverê tê ragihandin.

Dema Riza Sarraf û Hakan Atîlla li Dewletên Yekbûyî yên Amerîkayê(DYA) wergêreka bi navê Sebla Kuçuk agahiyên li ser dozê yên di medyayê de ji ingilîzî wergerandibû tirkî. Ew ji ber parvekirinên xwe hatibû girtin, duhî beraet kiriye.

Dadgehê sal û sê meh cezayê zindanîkirinê li 3 akademisyenan birî. Aşkerekirina biryara Oztan û Riza Turkayî hate taloqkirin. Lê Gulhan Turkayê nexwestiye biryar bê taloqkirin.

Wezareta Karên Navxweyî ya Brîtanyayê Plana Berxwedana li Dijî Nefretê ji bo salên 2016-2020ê amade kiribû. Wezaretê ji bo wê planê vîdeoyek amade kiriye.

Wezareta Navxweyî aşkere kiriye ku di hefteyekê de parvekirinên 324 hezabên medyaya civakî hatine kontrolkirin û lêpirsînname ji bo 280 kesan hatiye vekirin.

Beriya niha bi 83 salan stranbêja navdar Feyrûz ji dayik bûye. Dengê Feyrûzê ji Rojhilata Navîn ber bi cîhanê ve diherike û bandora xwe li muzîk û jiyanê dike.

Berdevkê Sekreteriya Giştî yê Konseya Ewropayê Holtgen gotiye "Li gor xala 46ê ya Peymanê hemû welat girêdayî biryarên dadgehê ne".

Parêzerên Demîrtaşî, piştî biryara DMMEyê, ji bo tehliyeyê serî li dadgehê dane.

Serokomar Recep Tayyîp Erdoganî ji bo biryara DMMEyê ya derbarê Demîrtaşî de gotiye, “Biryarên DMMEyê me eleqedar nakin. Em ê gavê li hemberî vê bavêjin.” Lê DMMEyê di biryara xwe de gotiye, heke Tirkiye biryarê pêk nîne, tê wateya ku peymanê binpê dike.

DMMEyê di biryara xwe de xwestiye ku ji bo dawiyê li rewşa girtîtiyê ya Demîrtaşî bîne, divê hemû tedbîr bên standin. Molû û Demîr, parêzerên Demîrtaşî gotin “Biryar dane ku Demîrtaş ji ber sedemên siyasî hatiye girtin û divê demildest bê berdan.”

Li navenda Afyonê, tê îdiakirin ku dema leşkerê neçar ê bi navê M.Ç. nobet digirt xwe kuştiye.

Dadgehê 6 sal û 10 meh û 15 roj cezayê girtîgehê li polîs Ahmet Kûşî biriye ku di dema berxwedana Geziyê de bûbû sedema kuştina Abdûllah Comertî. Beriya ku dadgeha bilind biryara dadgehê bi şûn de bişîne, 13 sal û 4 meh ceza li Kûşî hatibû birîn. Kûş nehatiye girtin.

Cemal Kaşikçi(Kajûxcî) ew rojnameger e ku li Balyosxaneya Erebistana Siûdiyê hatiye kuştin lê termê wî nehatiye dîtin. New York Timesê li ser kuştina Kajûxçîyî vîdeoyek amade kiriye û diyar kiriye ku yê rê dayî vê kuştinê prensê Erebistana Siûdiyê, Selman e.

Piştî ku Yigit Ekmekçi û Ali Hakan Altinay duh di saetên êvarê de hatine berdan, Çigdem Mater, Ayşegul Guzel û Yusuf Civir jî di saetên şevê de hatine berdan. Dadgehê biryara Yigit Aksakogluyî daye.

Prof. Dr. Betul Tanbay hatiye berdan ku di encama operasyona li ser nûnerên saziyên sivîl û akademisyenan de duh hatibû girtin. Kesên desteserkirî hîna îfadeyên xwe didin.

Ji 13 kesên ku di saetên sibehê de hatine desteserkirin Prof. Dr. Turgut Tarhanli, Asena Gunal û Bora Sari piştî îfadedanê serbest hatine berdan. Paşê jî Meltem Aslan serbest bûye.

Navenda Hûnerê ya DEPOyê diyar kiriye, ji ber ku koordînatora bernameyan ya navendê hatiye desteserkirin bernameya vekirina pêşangeha li navenda çandê jî hatiye betalkirin.

Li navçeya Qilabanê ya Şirnexê di dema perwerdeya leşkerî de guleya hawanê teqiya ye û leşkere miriye. Çar leşker jî birîndar bûne. Wezareta Berevaniya Milî aşkere kir ku bûyer di encama “qezayekê” de çêbûye.

Li bajarên Elezîz, Colemêrg û Amedê operasyon hatine kirin, di operasyonan de 74 kes hatine desteserkirin ji desteserkiriyan 38 kes hatine girtin.

Komeleya Mafên Mirovan(IHD) daxuyaniyeka nivîskî weşandiye û diyar kiriye ku ew desteserkirina akademîsyen û xebatkarên saziyên civakî şermezar dikin.