Li Dewleta Californiayê ya Dewletên Yekbûyî yên Amerîkayê, ji 8ê Çiriya Paşiyê ve agirî girtiye daristanan. Ji ber agirî 58 kes mirine.

Dewletên Yekbûyî yên Amerîkayê dabû zanîn ku piştî biryara îmzenekirina hevpeymana ji bo enerjiya nûkleer ceza dê li Îranê bê birîn. Dema cezayan îro dest pê dike.

Îtalyayê bi hinceta ku bi zanebûn telefonên mobile ên modelkevin giran kirine, bi milyonan euro cezayê pereyan li Apple û Samsungê biriye.

Moody’sê asta nota neh bankên Tirkiyeyê kêm kiriye. Akbank, Alternatifbank, ING Bank, QNB Finansbank, Ziraat Bankasi, Türk Ekonomi Bankası, Garanti Bankası, Vakıfbank û Yapı ve Kredi Bankası ne ev bankên ku notên wan hatine kêmkirin.

Serokwezîra Almanyayê Merkel û Wezîrê Karên Derve Maas jî li gel gelek siyasetmedarên din beşdarî wê bernameya xwarinê nabin ku ji bo Erdoganî wê çêbibe. Steinmeier, Serokomarê Almanyayê roja pêşnceşemê wê ji bo Erdoganî xwarinekê bide.

Berdevkê Wezareta Parastinê ya Rûsyayê, İgor Konaşenkovî diyar kiriye balafirên Îsraîlê, balafirên Rûsyayê pey xwe birine cihên sîstema paraastina hewayî ya Artêşa Sûriyeyê û sîstemên parastina hewayî li balafirên wan daye, 15 leşkerên wan mirine.

Nûnera DYAyê di civîna li ser Idlibê û Lûtkeya Tehranê de “banga agirbestê ya Tirkiyeyê” bi bîr xistiye. Sekreterê Giştî yê NYyê jî gotiye ku li Idlibê sivîl dimirin û bang li Tirkiye, Rûsya û Îranê kiriye ku, “ji bo agirbestê her tiştî bikin.”

Michelle Bachelet, Komîsera Nû ya Mafên Mirovan a Neteweyên Yekgirtî (NY) di axavtina xwe ya Cenêvê de polîtîkayên welatan ên derbarê koçber/penaberan de rexne kiriye. Bachelet gotiye; “Dîwarên li pêşiya koçberan tên lêkirin tenê dibin sedema dijminatî, kaos û perîşaniya zêdetir”.

Staffan de Mistura Nûnerê Taybet ê Neteweyên Yekgirtî (NY) yê ji bo Sûriyeyê ji bo aştiya li Sûriyeyê wê hewldaneke nû bide destpêkirin. Nûner, wê bi komên ji Rûsya, Îran û Tirkiyeyê re gotûbêjan bike.

Li gor lêkolîna ji lokalên dengdanê, di hilbijartina duh a Swêdê de bloka çep ji sedî 40.6, bloka rast jî ji sedî 40.3 deng bi dest xistiye. Demokratên Swêdê ji sedî 17.6 deng standiye ku weke partiyeke rast a tundrewan tê nasîn.

Berdevka Wezareta Karên Derve ya Rûsyayê, Mariya Zaharovayê diyar kiriye ku nûnerên Tirkiye û Rûsyayê dê li Îranê ji bo sivîlên li Idlibê bicivin.

Wezîrên karê derve yên Tirkiye û Almanyayê li Enqereyê civiyane. Wezîrê Tirkiyeyê Mevlud Çavuşoglûyî diyar kiriye ku ew bi taybetî li ser Idlibê axivîne.

Rêveberiya Sûriyeyê îdia kir ku DYA û hevalbendên wê bi rêya Ûkrayna û welatên Balkanan çekan didin DAIŞ û Nûsrayê.

Ji bo operasyona li ser Idlîbê mizakere têne kirin. Serokê Dewletên Yekbûyî yên Amerîkayê li ser Twîtterê fikrên xwe diyar kirine.

Çavên her kes li benda civîna di navbera Rûsya-Îran-Tirkîyeyê bû, lê Rûsya îro piştî 22 rojan yekem carî êrîşî Idlîbê kir. Dê civîn 7ê îlonê li Tehranê bê kirin.

Welîd Muallim, Wezîrê Karên Derve yê Sûriyeyê ji Russia Todayê saziya fermî ya Rûsyayê re axivî ye. Muallim gotiye ku rewşa Idlibê di civîna ku 7ê Îlonê li Tehranê çêbibe wê diyar bibe. Tirkiye, Îran û Rûsya wê beşdarî vê civînê bibin.

Duh bi şev li Rio de Jenarioyê agir bi Muzeya Netewî ketiye. Muzeya 200 salî di encama şewatê de xisareke mezin dîtiye û gelek tiştên di navê de bûne xwelî.

Staffan de Mistura nûnerê daimî yê Neteweyên Yekgirtî (NY) yê ji bo Sûriyeyê Rûsya, Îran û Tirkiye ji bo operasyona Idlibê hişyar kiriye ku plan dikin piştgiriyê bidin operasyonê. Di Mistura wiha gotiye: “Her du alî jî dikarin çekên kimyewî bi kar bînin, dibe ku firtoneyek bêçêkirin.”

Jim Mattis Wezîrê Berevaniyê yê DYAyê ji bo moşekên S-400î yên ku wê Tirkiye ji Rûsyayê bikire gotiye, “em bi fikar in”. Mattis her weha diyar kiriye ku ji bo mijara balafirên şer ên F-35 ew bi Tirkiyeyê re diaxivin.

Nûnerê Sûriyeyê yê Neteweyên Yekbûyî, Steffan De Misturayî bangî Tirkiye û Îranê kiriye ku ew ji bo kêşeyên li Sûriyeyê, li Cenevê bicivin.