Sarah Sanders, berdevka Mala Spî ya DYAyê, piştî axavtina bi rêya telefonê ya Trump û Erdoganî daxuyaniyek daye û gotiye, li Sûriyeyê 200 leşkerên amerîkanî, wê weke ‘hêza aştiyê’ bimînin.

Parlamentoya Ewrapoyê reşnivîsa rapora derbarê Tirkiyeyê de bi pirdengî qebûl kiriye. Di raporê de behsa binpêkirina mafên mirovan hatiye kirin û hatiye gotin ku Tirkiye bûye welatê pêncem ku welatiyên wê daxwaza penaberiyê li welatên Ewropayê dikin.

Maduro, Serokdewletê Venezûelayê piştî ku Guadio, Serokê Meclîsa Netewî xwe weke ‘serokê dewletê yê demkî’ ragihandiye û DYA di serî de gelek dewletan ew qebûl kiriye, li hemberî ‘alîkariya mirovî’ leşker li ser sînoran bi cih kiriye.

Esadî li Şamê li gel şaredaranc civiya ye û gotinên “Erdogan Ixwanî* ye” û “xulamokê DYAyê” ji bo Erdoganî gotiye.

Li Minbicê li derdora xwaringehekê teqînek çêbûye ku rêveberên Konseya Leşkerî ya Minbicê û heyeteke mêvan li xwaringehê rûniştî bûn. Di nava kesên mirî de leşkerên Amerîkî û sivîl jî hene.

Serokwezîrê Îsraîlê, Benjamîn Netenyahuyî eşkere kiriye ku êrîşên li Şamê hatîn kirin wan kirine.

Donald Trump, Serokê DYAyê di daxuyaniya xwe de gotiye, "Tirkiye jî nefretê DAIŞê dike, lê ne bi qasî me."

Li Idlibê, li herêmên nêzîkî Helebê Artêşa Sûriyeya Azad(ASA) û Heyet Tahrir el-Şam(HTŞ) ji duhî ve şerê hev dikin. 100 kes mirine, 8 kesên mirîn sivîl bûne.

Li Dewletên Yekbûyî yên Amerîkayê(DYA) dewra çêkirina yasayan bi awayekê fermî dest pê kiriye. Minaqeşeyên li ser çêkirina dîwarê di navbera DYA û Meksîkayê de hebûn, ji roja pêşiyê ve minaqeşeyan dîsa dest pê kiriye.

Donald Trump, Serokê DYAyê gotiye ku piştî vekişandina hêzên DYAyê ji Sûriyê, ew dixwazin li wî welatî kurdan biparêzin.

Lindsey Graham, senatorê Amerîkanî piştî kombûna xwe ya bi Serokê Amerîkayê Donald Trûmp re gotiye, tiştê herî dawî ew ê bixwaz in ew e ku “Tirkiye û kurd şerê hev bikin”. Grahamî diyar kir ku “ihtimal heye Trump heremeke tampon ji bo Tirkiyeyê misoger bike”.

Beşa Karên Zanistî ya Meclîsa Federal li Almanyayê raporek aşkere kiriye û di vê raporê de diyar kiriye ku “Li gorî pîvanên dagirkeriya leşkerî ya hiqûqa navnetewî leşkerên Tirkiyeyê yên li Sûriyeyê dagirker in”.