Wezîrê parastinê yê Dewletên Yekbûyî yên Amerîkayê, Jimm Mattisî eşkere kir ku ew dixwazin bibînin ku PKK(Partiya Karkerên Kurdistanê) ji Şingalê çûye.

Puigdemont Serokê berê yê Katalonyayê, piştî ku Dadgeha Bilind a Îspanyayê li tevahiya Ewropayê derbarê wî de biryara girtinê derxist, li Almanyayê hatiye desteserkirin. Puigdemont wê îro derkeve pêşberî dadgehê.

Berdevkê serokkomariyê Ibrahim Kalinî diyar kir ku Tirkiyeyê û Amerîkayê ji bo çûna Minbîcê li hev kiriye. Berdevka Wezareta Karên Derve ya DYAyê got “ev yek komîk e, ji ber ku me li hev nekiriye.”

Hêzên Çekdar ên Tirk(TSK) û Artêşa Sûriyeya Azad(ASA) bajarê Efrînê kontrol kir. Piştî talanê agahiyên talan û koçberiyê hatin. Ji aliyê dî ve Tirkiyeyê diyar kir ew bi rêya Kizilay û AFADê alîkariyê dişîne Efrînê.

Hêzên Çekdar ên Tirkan(TSK) li malpera xwe diyar kir ku li Efrînê avahî nehatine xerakirin lê wêneyên ajansên nûçeyan wêneyên xerabeyan weşandin.

Serokkomarê berê yê Fransayê Francois Hollande ji rojnameya Le Monde re gotiye bila ji bo Rojhilatê Gutayê û Efrînê firîna balafiran bê qedexekirin.

Li Sûriyeyê balafira veguhastinê ya leşkerî ya Rûsyayê ketiye û di encamê de 32 kes mirine.

Berdevkê Wezareta Parastinê ya Amerîkayê Albayê Robert Mannig eşkere kir ku piştî Tirkiyeyê operasyonek li ser Efrînê kir gelek şervanên YPGyê çûn Efrînê.

DYAyê îro ji ber ewlehiyê Balyozxaneya xwe ya li Enqereyê girtiye. Walîtiya Enqereyê jî aşkere kir ku wan tedbîrên ewlehiyê berfirehtir kiriye.

Li Gundê Hac Bîlal yê Efrînê, di operasyona li ser Efrînê de, 8 leşkerên Hêzên Çekdar ên Tirkan(TSK) mirine 13 leşker birînadr bûne.

Ajansa nûçeyan a navneteweyî, Reutersê agahiyên nûçeyeka xwe spartiye şahidekê û diyar kiriye Artêşa Sûriyeyê li Helebê ket herêmên di bin kontrola Yekîneyên Parastina Gelî(YPG) de.

Berdevkê serokkomariyê, Îbrahîm Kalinî got peywendiya Tirkiyeyê û Sûriyeyê ya rasterast nîne lê yek ji hersê garantorên Sûriyeyê Tirkiye ye û pêwîst be peywendî dê bêne danîn.

Li ser nûçeyên ku diyar dikin Artêşa Sûriyeyê dê biçe Efrînê wezîrê karên derve, Mevlud Çavuşogluyî got: “Heke desthilat ji bo tinekirina YPGyê biçe baş e lê heke ji bo parastina wê biçe Efrînê ti kes nikarin pêşiya me bigire.”

Ajansa nûçeyan a Reutersê li gor agahiyên spartî qenala dewletê ya Sûriyeyê, ragihandiye ku hêzên dewleta Sûriyeyê dê di çend sietekê de li Efrînê bin.

Ajansa nûçeyan a Reutersê di nûçeyeka xwe de bi agahiyên spartî rayedarên kurd da zanîn ku Artêşa Sûriyeyê dê biçe Efrînê.

Wezareta Karên Navxweyî, bi daxuyanîyekê eşkere kir ku 474 kes ji ber parvekirinên li ser “Operasyona Çiqilê Zeytûnê” û 192 kes jî ji ber protestokirina wê operasyonê hatine desteserkirin.

Jinên sîyasetmedar ên girtî ji bo Perlamentoya Ewropayê, Neteweyên Yekbûyî(NY) û Rêxistina Hevkariya ji bo Ewlehiyê ya Ewropayê nameyek nivîsî. Wan diyar kir divê li şûna polîtîkayên leşkerî polîtîkayên aştîxwaz hebin.

Îro du roket avêtin bajarê Kilîs û navçeya Reyhanliyê ya Hatayê. Roket li ciyên vala ketine.

Serdozgeriya Komarê ya Enqereyê da zanîn ku ji ber daxuyaniyên wekîlê Rûhayê yê ji Partiya Gelan a Demokratîk(HDP), Osman Baydemîrî serdozgeriyê lêpirsîn li ser wî amade kiriye.

Rêxistina Çavdêriyê ya li Mafên Mirovan a Sûriyeyê (SOHR) aşkere kir ku di encama bombebarana TSKyê ya li ser Efrînê de 12 jê zarok 42 sivîl mirine. TSK û Serokomar Erdoganî jî hejmara leşkerên ku hatine kuştin aşkere kirin.