Xelata "Goga Zêrîn" bû ya Messiyî

Fitbolîstê arjantînî yê Barcelonayê Lîonel Messî xelata Goga Zêrîn (Ballon d'Or) a ku didin fitbolîstê salê qezenc kiriye.

Di organîzasyona ku ji hêla kovara France Footballê va tê lidarxistin da Lionel Messi bu xwediyê Goga Zêrîn ê futbolîstê herî baş ê salê.

Messiyê 32 salî di kariyera xwe da di salên 2009, 2010, 2011, 2012 û 2015an da dîsa ev xelat qezencê kiriye û niha bûye fitbolîstê herî zêde Goga Zêrîn qezenc dike.

Messî di sezona 2018-2019an da bi Barcelonayê ra bibû şampiyonê La Lîgayê û 36 gol avêtin. Fitbolîstê arjantînî di sala 2019an da heta niha bi formaya kulûb û tîma neteweyî 46 caran lîstiye.

Di dengdayînê da ji Liverpoolê Vîrgîl van Dîjkê Hollandayî bû duyemîn, ji Juventusê Crîstîano Ronaldoyê Portekîzî bû sêyemîn, ji Liverpoolê Sadîo Maneyê Senegalî bû çaremîn dîsa ji Liverpoolê Mihemed Salahê Misrî jî bû pêncemîn.

Ronaldoyê ku pênc caran Goga Zêrîn qezenc kiriye beşdarî merasima xelatê nebû. (FD)

Çavkanî: AA