Werzîşvanê navdar Usain Bolt bi Covid-19ê ketiye

Fotograf: AA (Arşîv)

Usain Bolt, bezvanê navdar dîyar kiriye ku ew bi vîrusa koronayê ango Covid-19ê ketiye.

Usain Bolt yê 34 salî ji Twitterê daye zanîn ku roja Şemîyê testa vîrusa koronayê kiriye û encama testa wî pozîtîf derketiye.

Boltî bang li heyranên xwe kiriye ku li dijî vîrusa koronayê bi baldar bin û bergiriyan bistînin: “Ji bo kesên hûn jê hez dikin ewle bin, li gor mesafeya civakî tevbigerin.”

Usain Boltî îna derbasbûyî ji bo 34 salîya xwe pîrozbahî kiribû. Li ser medyaya civakî dîmenên şahiyê weşandibûn ku beşdar maske nedane ber rûyê xwe û li gor mesafeya civakî tev negeriyane. (FD)