Omîcron belav dibe: Li cîhanê di hefteya dawî di 18 milyon kes bi nexweşiyê ketine

Fotograf: AA

Ji bo nûçeya tirkî bitikîne

Dîrektorê Giştî yê Rêxistina Tenduristiyê ya Cîhanî (WHO/RTC) Dr. Tedros Adhanom Ghebreyesus li navenda rêxistinê ya Cenêvê civîneke çapemeniyê pêk aniye û behsa rewşa dawî ya şewba Covid-19ê kiriye.

Dr. Ghebreyesusî diyar kiriye ku di hefteya dawî de ji ber varyanta Omicronê li seranserê cîhanê zêdetirî 18 milyon mirov nexweş ketine û varyan bilez belav dibe. 

Ghebreyesusî gotiye ku, li gorî varyantên berê kêmtir dibe sedema mirinê lê şaş e ji ber vê rewşê Omicron weke “nexweşiyeke sivik” were qebûlkirin: "Divê neyê jibîrkirin ku omicron jî dixe halê mirinê û dibe sedema mirinê. Vê demê gelek kes bi rîskê re rû bi rû ne û vîrus gelekî bilez belav dibe.”

Dîrektorê Giştî destnîşan kiriye ku jimara mirinan heta niha sabît e û zorê dide kapasîteya xebatkarên tenduristiyê û sîstemên tenduristiyê.

Newekhiviya di mijara derzîkirinê de dewam dike

Ghebreyesusî behsa bidestxistina derziyên Covid-19ê kiriye û gotiye, ji ber ku di vê mijarê de newekhevî heye bandoreke neyênî li têkoşîna li dijî Covid-19ê dibe: “Ger em rewşa heyî neguherînin em ê di mijara newekheviya derzîkirinê de bikevin demeke xirabtir.” (TP/FD)