Nêçîrvan Barzanî û Recep Tayyîp Erdogan wê îro bicivin

Fotograf: AA (Arşîv)

Li gor nûçeya Rûdawê, malpera Serokatiya Tirkiyeyê bernameya serdana Serokê Herêma Kurdistanê belav kiriye û ragihandiye ku, îro saet di 14:00an de wê Barzanî li gel Serokomarê Tirkiyê Recep Tayyip Erdoganî bicive û derbarê peywendiyên navbera herdu aliyan de gotûbêjan dikin.

Hevdîtin wê li Enqereyê, li Kulliyeya Serokamariyê pêk were.

Barzanî beriya bi Erdoganî re bicive wê li gel Mevlût Çavûşoglu, Wezîrê Derve yê Tirkiyeyê hevdîtinekê bike.

Şanda li gel Serokê Herêma Kurdistanê ji Serokê Dîwana Serokatiya Herêma Kurdistanê, Fewzî Herîrî, Rêveberê Ofîsa Serokê Herêma Kurdistanê Kerîm Şingalî, Berpirsê Fermangeha Pêwendiyên Derve ya Herêma Kurdistanê, Sefîn Dizeyî û Şêwirmendê Bilind ê Serokê Herêma Kurdistanê Felah Mistefa pêk hatiye. (FD)