Li Xezeyê heta niha 35 hezar û 456 kes mirine

Di encama êrîşên Îsraîlê de ji 7ê Çiriya Pêşiyê vir ve li ser hev 35 hezar û 456 kes mirine.

Wezareta Tenduristiyê ya Filistînê ya li Xezeyê, encamên êrîşên Îsraîlê yên 226 rojan aşkere kirin.

Li gorî daxuyaniya wan a nivîskî, Artêşa Îsraîlê di 24 saetan de 70 filistînî kuştin û 110 kes jî birîndar kirin.

Wezaretê diyar kir ku di encama êrîşên Îsraîlê de ji 7ê Çiriya Pêşiyê vir ve heta niha 35 hezar û 456 kes mirine û 79 hezar û 476 kes jî birîndar bûne.

Wezaretê destnîşan kir ku hê li bin xirbeyan û li ber rêyan gelek mirî hene, lê ji ber hêzên ewlehiyê yên îsraîlî nahêlin, tîmên tenduristiyê û yên parastina sivîlan, nikarin xwe bigihînin cenazeyan.

(AS/AY)