Li parlamentoya Herêma Kurdistanê 5 kursî wê ji bo pêkhateyan bên veqetandin

Biryar ji aliyê Lijneya Dadweriyê ya Hilbijartinan a Encûmena Bilind a Dadweriyê ya Îraqê ve hat wergirtin.

Li gorî biryarê dê li Silêmaniyê 2 kursî, li Hewlêrê 2 kursî û li Dihokê jî kursiyek ji bo pêkhateyan bin.

Li gorî agahiyên ku Berdevkê Komisyona Bilind a Serbixwe ya Hilbijartinan a Îraqê Cumane Xelay dane Rûdawê, dê dabeşkirina kursiyên pêkhateyan wiha be:

Silêmanî: Kursiyek ji bo Tirkmenan, kursiyek ji bo Mesîhiyan

Hewlêr: Kursiyek ji bo Tirkmenan, kursiyek ji bo Mesîhiyan

Dihok: Kursiyek ji bo Ermanan

Berê Parlamentoya Kurdistanê ji 111 kursiyan pêk dihat û 5 kursî ji bo Tirkmenan, 5 kursî ji bo Mesîhiyan û kursiyek jî bo Ermenan bû.

Hêjayî gotinê ye beriya niha Parlamentoya Herêma Kurdistanê ji 111 kursiyan pêk dihat û 5 kursî ji bo tirkmenan, 5 kursî ji bo mesîhiyan û kursiyek jî bo ermeniyan bû.

Di 21’ê Sibata 2024’an de Dadgeha Federal ya Iraqê 11 kursiyên kotayên Parlamentoya Herêma Kurdistanê betal kirin. Li gel vê yekê hêjmara kursiyên parlamentoyê ku 111 kursî bûn, bû 100 kursî. Herwiha dadgehê biryar dabû ku wê li Herêma Kurdistanê çar herêmên hilbijartinê hebin.

Li gor biryara Dadgeha Federal çar herêmên hilbijartinê yên Herêma Kurdistanê, Herêma Hewlêr, Herêma Silêmanî, Herêma Duhok û Herêma Helebce ne û hêjmara kursiyên herêman wiha ye; Hewlêr 34 kursî, Silêmanî 38 kursî, Duhok 25 kursî û Helebce 3 kursî.

Wate bi biryara niha re kursiyên parlamentoyê nehatine zêdekirin, 5 kursiyên niha ji bo pêkhateyan hatî veqetandin, jî di nava 100 kursiyên parlamentoyê de ne.