Li bejahiya Kobanê ya ku di bin rêvebiriya kontrola Rêveberiya Xweser a Bakur û Rojhilatê Sûriyeyê de ye, li dijî sivîlan êrîşeke hewayî hat lidarxistin.
Li gorî nûçeya Malbenda Çavderiyê ya Mafên Mirovan a Suriyeyê (SOHR) ku navenda wê li Londonê ye, balafireke şer a Tirkiyeyê malek li bejahiya Kobanê ku di navbera gundên Qomçî û Berx Botanê de ye kir armanc.
Ajansa Nûçeyan a Hawarê (ANHA) ku navenda wê li Hesekê ye ragihand ku êrîş li gorî saeta herêmî di 00:40an de pêk hatiye.
Di êrişê de 7 jê zarok 9 sivîl hatin qetilkirin û 2 kes jî birîndar bûn. Birîndar ji bo dermankirinê birine nexweşxaneyê. Malbata ku bûye hedefa êrişê karê çandiniyê dikirin.
SOHRê bang li Enqereyê kir ku demildest operasyonên leşkerî rawestîne û got, "Operasyonên leşkerî yên Tirkiyeyê yên li Bakurê Sûriyeyê berdewam dike, êş û azarên sivîlan zêdetir dike."
*Herêma ku êrîşa hewayî lê hat kirin bi qasî 28 km li başûrê Kobaniyê ye. Cihê ku di qutiya kesk de hatiye nîşandan Qumçî ye û cihê ku di qutiya sor de hatiye nîşandan jî Berx Botan e. Herêma navborî jî nêzî Qereqozakê ye ku pêvçûnên di navbera SMO û HSDê de lê didomin. (Nexşe: Google Maps)
Navên kesên mirine
Navenda Ragihandin û Çapemeniyê ya Hêzên Sûriyeya Demokratîk (HSD) ragihand ku di êrîşê de 9 endamên malbata Ebdo jiyana xwe ji dest dane û navên wan aşkere kir:
"Axîn Osman Ebdo, Dîjle Osman Ebdo, Dilovan Osman Ebdo, Yasîr Osman Ebdo, Ezîz Osman Ebdo, Salîha Osman Ebdo, Avesta Osman Ebdo, Osman Berkel Ebdo (Bav), Xezal Osman Ebdo (Dayik)."
Hat diyarkirin ku 2 kesên di êrîşê de birîndar bûne Ronîda Osman Ebdo û Narîn Osman Ebdo ne.
*Ji zarokên ku di êrîşê de mirine jê 2 kes. (Fotograf: SOHR)
Ji Kanûna Pêşiyê û vir ve herî kêm 650 kes mirine
Li gorî daneyên SOHRê, ji ber aloziya leşkerî ya di navbera Artêşa Neteweyî ya Sûriyeyê (SMO) ku Tirkiye piştgiriya wan dike û HSDê de li Bakurê Sûriyeyê ji 12ê Kanûna 2024an ve, herî kêm 650 kes mirine.
- 65 sivîl (8 jin, 9 zarok û 1 rojnameger)
- 477 endamên SMOyê
- 104 endamên pêkhateyên leşkerî yên girêdayî HSDê
- 4 endamên Hêzên Çekdar ên Tirk(TSK)
(VC/AY)