Li Dêrsimê hemû çalakî ji bo 4 rojan hatine qedexekirin

Walîtiya Tûnceliyê li ser malpera xwe ya fermî ragihand ku wan li seranserê bajêr bê destûr pêkanîna meşên xwenîşandanê, civînên çapemeniyê, çalakiyên rûniştinê û yên weke wan, heta 4 rojan qedexe kirine.

Biryara qedexeya çalakiyên bê destûr îro destpê kiriye û wê heta 16ê Çiriya Pêşiya 2023an dewam bike. 

Walîtiyê weha gotiye:

“Bernameyên ku walîtî û qaymeqamiyan erê kirine wê ne qedexe bin. Ji bilî van, her cure civîn, meşên xwenîşandanê, miting, civînên li qadên vekirî, çalakiyên protestoyî, çalakiyên rûniştinê, grevên birçîbûnê, vekirina standan, kampanyayên îmzeyan, konser, şahî, belavkirina belavokan, belavkirina broşuran, vekirina afîş û posteran û yên din hatine qedexekirin.”

(AS/AY)