Li Amedê 16 kes bi tohmeta ku êrişî Starbucks û Burger Kingê kirine, hatin desteserkirin
Li Amedê şeva 22ê Hezîranê du koman di bin navê “protestkorina Îsraîlê” de êrişî şaxa Starbuksê ya li ser Şeqama 75an ya Amedê û şaxa Burger Kingê ya li navçeya Sûra Amedê kiribûn.
Li gorî nûçeya Ajansa Mezopotamyayê di encama êrişê de xesar li wan kafeteryayan ketibû.
Wezareta Karên Navxweyî daxuyanî da û ragihand ku 16 êrişkar hatine desteserkirin.
Wezaretê diyar kir ku jêpirsîna 16 êrişkaran li Rêveberiya Emniyetê ya Amedê tê kirin.
Her weha wezaretê da zanîn ku ji bo îfadeyê wê îro êrişkarên hatine desteserkirin bibin Serdozgeriya Komarî ya Amedê.