Koçberiya ji Tirkiyeyê bo welatên din ji sedî 53 zêde bû: Herî zêde ciwan koç dikin

Saziya Îstatîstîkan ya Tirkiyeyê (TUÎK) îstatîstîkên koçberiyê yên navneteweyî yên sala 2023an eşkere kir.

Li gorî daneyên di malpera TUIKê de hatine weşandin; Hejmara kesên ku di sala 2023an de ji Tirkiyeyê koçî dervayî welêt kirine li gor sala 2022an ji sedî 53 zêde bûye û derket 714 hezar û 579an.

Ji sedî 55,2ê kesên ji Tirkiyeyê koçî derveyî welat kirine mêr in û ji sedî 44,8ê wan jî jin in.

Ji kesên ku ji Tirkiyeyê çûne derveyî welêt, 291 hezar û 377 welatiyên Tirkiyeyê ne û 423 hezar û 202 jî biyanî ne.

Herî zêde koma ku temenên wan di navbera 25-29 salî de ne koç kirine ango çûn in derveyî Tirkiyeyê.

Hejmara kesên ku ji welatên din koçî Tirkiyeyê kirine li gorî sala borî ji sedî 35,9 kêm bûye û bûye 316 hezar û 456 kes.

Hejmara kesên ji derveyê welat koçî Tirkiyeyê kirin li gor par ji sedî 35,9 kêm bû û derket 316 hezar û 456 kesan.

Ji sedî 54,2 ê kesên ku ji welatên din koçî Tirkiyeyê kirine mêr in û ji sedî 45,8 wan jî jin in.

Hejmara kesên ku ji derve tên Tirkiyeyê jê 101 hezar û 677 welatiyên Tirkiyeyê ne û 214 hezar û 779 jî biyanî ne.

(RT/AY)