Koçberên Afganistanî li Osloyê Talîban protesto kirine

Fotograf: Lokman Times

Ji bo nûçeya tirkî bitikîne

Talîban ji meha Tebaxa 2021an vir ve li Afganistanê desthilat e. Ji roja Duşemê pê ve jî dîplomatên DYAyî û Ewrûpî bi nûnerên rêvebiriya Talîbanê re li Osloyê, paytexta Norwecê dest bi hevdîtinan kirin e. Mijara hevdîtinan sivikkirina krîza mirovahiyê ya ku li Afganîstanê rû daye ye.

Hevdîtinên li Osloyê, ên cara yekemine ku  piştî Talîban li Afganîstanê bûye desthilat bi dîplomatên welatên Rojava re çêdikin.

Li Osloyê Talîban hatiye protestokirin

Dema hevdîtinan destpêkiriye hin Afganîyên ku li Norwecê dijîn li ber Wezarata Karên Derveyî ku li Osloyê ye xwepêşandan çêkirin. Xwepêşanderan sloganên li hember mixatab girtina Taliban avêtin e û hevdîtin rexne kirine. Her weha xwestine ku kesên li Afganîstanê hatine girtin were azadkirin. Xwepêşanderan bi slogana “hîşyar be NY” bang li Neteweyên Yekbûyî kirine û îtibar dayîna wan a ji bo Talîbanê protesto kirin e.

Mijara Talîbanê 10 mîlyar dolarên ku bloke kirî bûye

Bendewariya herî girîng a Talîbanê ji hevdîtinan ewe ku DYA û hin welatên din ên Rojava bloka li ser hesabên bankê yên Afganistanê rabikin. DYAyê û hin welatên rojava bi qasî 10 mîlyar dolarê wî welatî bloke kirin e.

Hin dîplomatên ji YEyê, DYAyê, Ingilistanê, Fransayê, Îtalyayê û  Norwecê tevlî civînê bûn in. Berî ku diplomat tevlî civînê bibin, bi hin aktivîstên mafên jinan ên Afganî re û bi hin mafparêzan re hevdîtin çêkirin e. (AEK/BY/AY)

*Bahar Yildirimê ev nûçe ji tirkî wergerandiye