Hindiktirîn mehaneya sala nû diyar bûye: 2 hezar û 825 lîre û 90 quriş

* Fotograf: Evrim Aydın / AA

Ji bo nûçeya tirkî / ingilîzî bitikîne

Endamên Komîsyona Diyarkirina Hindiktirîn Mehaneya ji bo hindiktirîn mehaneya sala 2021ê diyar bikin, cara dawiyê li hev kom bûne.

Li gorî rêkeftinê hindiktirîn mehane, bêyî qutkirina bacan 3 hezar û 577 lîre û 50 quriş be. Piştî qutkirina bacan wê hindiktirîn mehane bibe 2 hezar û 825 lîre û 90 quriş.  

Di sala 2020an de hindiktirîn mehane 2 hezar û 324 lîre bû. Di 1ê Kanûna Paşiyê ya 2020an de hindiktirîn mehane beramberî 391 dolarên amerîkî bûn. Îro li beramberî 377 dolaran e.

Zehra Zumrut Selçûk, Wezîra Malbat, Xebat û Xizmetguzariyên Civakî gotiye ku “Hindiktirîn mehane li gorî sala borî 500 lîre zêtedir bûye, rêjeya wê ji sedî 21,56 bilindtir bûye.”

Nazmî Irgat, Sekreterê Perwerdeyê yê Giştî yê Turk-Işê jî wiha axiviye: “Hindiktirîn mehaneya safî ya hatiye diyarkirin, têrê nake, dûrî bendewariyên karkeran e. Em li dijî vê biryara hikûmet û kesên patron derdikevin û beşdar nabin.”

Sal bi sal hindiktirîn mehane

• 2019: 2020 TL
• 2018: 1603 TL
• 2017: 1404 TL
• 2016: 1300 TL
• 2015: 1ê Kanûna Paşiyê-949 TL, 1ê Tîrmehê- 1000 TL
• 2014: 1ê Kanûna Paşiyê-836 TL, 1ê Tîrmehê-891 TL
• 2103: 1ê Kanûna Paşiyê-773 TL, 1ê Tîrmehê-803 TL

(HA/FD)