Hejmara nû ya kovara Bîrnebûnê derket

Hejmara 88an a kovara Bîrnebûnê derket. Kovara Bîrnebûn 27 sal in weşanê dike û nivîsên derbarê dêrok, çand û hunera Kurdên Anatolyaya Navîn de diweşîne.

Kovar her ji çar mehan carekê tê weşandin û gotar, hevpeyvîn, çîrok û helbest tê de cih digirin.

Di hejmara 88an de nivîsên hatine weşandin ev in:

Ji bîrnebûnê, Alî Çîftçî

Rêwîyê Helbestan; Mem Xelîkan, Memduh Selim

Di rojên îmzeyê da eleqeyên baş hebûn, Adem Özgür

Qamyona Îzzet, Mem Xelikan

Medyaya civakî û diyasporaya kurdî, Prof. Dr. Haci Akman

Hewî, Bêrîvan Xizêmzêr

Çend kilamên dila ji gundê Mikaîla, Dr. Mikaîlî

Huner, Muzaffer Özgür

Ken, Rojvan Enes

Bayê vejînê, Xizan Şîlan

Maf û Axa, Newal Iskan

Koçberî û bêwelatî: Di navbera du welatan da kurik bûn, Adem Özgür

Romanek ji edebîyata kurdên Anatoliyê, Rohat Alakom

Henek, Seyfi Doğan

99 gotinên Albert Einstein, Wergera ji almanî: Nuh Ateş

Qerfo, Seyfi Doğan

Quto, Seyfi Doğan

Helbest, Seyfi Doğan

Sirî zivîrok, Bilal Celepli

Kurdistana bê nasname, Mehtab Îdelî

Bê(sedem) kurteyeka wêjeyî ya derûnîya hezkirinê, Mistoyê Heco

Derbarê Kovara Bîrnebûnê de

Komek rewşenbîrên ji kurdên Anatolyayê, li Almanyayê di Newroza 1997an de hejmara yekem a Bîrnebûnê derxist. 

Kovarê ji hejmara duyemîn bi şunda di bin Weşanxaneya Apecê li Swêdê dest bi weşanê kir.

Bîrnebûn bi sernavê “kovara hunerî, çandî û lêkolînî ya kurdên anatoliyê” derdikeve û heta niha derbarê kurdên Anatolyayê de gelek çavkanî weşandin. Dîrok, civaknasî, erdnîgarî, etnolojî, folklor û devoka kurdên Anatolyayê; eşkerekirina belge û agahiyên ku heta îro nehatine vekolîn û veguhestina çavkaniyên devkî ji armancên herî girîng ên kovarê ne.

Di kovarê de dîrok, wêje, kurteçîrok, çîrok, helbest, şano, folklor, efsane û wergerên li ser kurdên Anatolyayê cîh digrin. (FD)