DOZA KOBANIYÊ
"Em Denîz in, dema hûn li me binêrin hûn ê Denîzê bibînin"
.jpeg)
Wêne: Ercan Altûntaş
Ji bo nûçeya tirkî / ingilîzî bitikîne
Dadgehkirina siyasetmedarên Partiya Demokratîk a Gelan (HDP) ya di Doza Kobaniyê de îro li Edliyeya Girtîgeha Sîncanê, li 22yem Dadgeha Cezayê Giran a Enqereyê dewam dike.
24 çar jê girtî, 10 jê bi şertê kontrola edlî 108 kes di vê dozê de tên dadgehkirin ku derbarê 75 kesan de biryara zeftkiinê heye.
Bixwîne-“Bersûcên gule bera Denîz Poyrazê dane û kesên daxwaza 400 wekîlan dikir yek in”
Ji bo her siyasetmedarekî 38 caran cezayê miebeta girankirî tê xwestin. Siyasetmedar ji ber wan çalakiyan tên dadgehkirin ku di sala 2014an de pêk hatine û weke “protestoyên Kobaniyê yên 6-8ê Çiriya Pêşiyê” tên zanîn.
Bixwîne-“Di şexsê Denîz Poyrazê de careke din jin kirin hedef"
"DMMEyê weke azadiya xweîfadekirinê nirxandiye"
Di destpêka danişînê de Çîgdem Pozan, Parêzera Ayla Akat Atayê xiviye û gotiye, tweetta HDPê ya ku bûye mijara sûcdarkirinê, di çarçoveya azadiya derbirîn û fikir de ye û Daîreya Mezin a DMMEyê jî ev bi vî awayî nirxandiye. Pozanê biryarên Dadgeha Mafên Mirovan a Ewropayê(DMME) nîşandaye û gotiye, DMMEyê dadkirin weke “hewldana bêdengkirina mixalefetê” nirxandiye.
Bixwîne - "Berpirsên qetlîamê yên ku li ber çareseriya demokratîk bûne asteng e"
Kozan daye zanîn ku axaftinên miwekîla wê yên li Meclîsê di çarçoveya azadiya siyasî de ye û li vî welatî pêvajoya çareseriyê hatiye birêvebirin û ji bo pêvajoyê yasayek hatibû derxistin û li gorî vê yasayê axaftina kesên ji pêvajoyê berpirsiyar bûn nabe ku bibe sûc. Kozanê gotiye miwekîla wê endamek Şandeya Îmraliyê bû.
“Berpirsiyariya her kesî aşkerekirina rastiyan bû”
Beyza Ustun, aktîvîsta ekolojiyê, akademisyen, siyasetmedar, parlamenter û Endama Lijneya Birêvebirinê ya Navendî ya berê ya HDPê Denîz Poyraz yadkiriye û dest bi axavtina xwe kiriye:
Ustunê gotiye, “Denîz ne tenê hevrêya me ya ku ji bo piştgiriyê bide keda dayika xwe hatibû wê derê, Denîz em in. Ji ber ku ked û siyaseta jinê bi me re mezin kir, ez wê bi rêzdarî bibîrtînim."
“Me dît ku êriş plankirî û organîze kiriye. Êrişkar taybet hatiye perwerdekirin. Dema êrişkirinê wisa li hev anîne ku tam di dema vê dozê û pêvajoyê din yên bi vê dozê re vebûne. Hevalên me yên siyasetmedar yên ku di vê doze de tehliye bûn, me bi slogana ew birêkiribûn. Piştre li Îzmîrê bi guleya ku ji çeka vî êrişkarî derket, xwestin peyamek bişîn in.”
"Sedema girtina me destewerdaneke siyasî ye, ez dixwazim binê vê yekê xêz bikim. Ji aliyê siyasî ve me gelek caran daxwaza lêkolînkirina bûyerên Kobaniyê kirin. Daxwaza lêkolînkirina van rastiyan her carê bi dengên AKP û MHPê hat redkirin.”
"Aşkere kirina rastiyan berpirsyariya hemû kesên ku li vê xakê aştî dixwestin û jiyaneke wekhev û azad dixwestin bû. Siyasetmedarên ku em bi vê pêvajoyê sûcdar kirin, bi awayekî îronîk lêkolînkirina mijarê qebûl nekirin.
“Ev midaxele, midaxeleyekî siyasî ye. Ev midaxele weke siyasî li dijî HDPê, bername û polîtîkayên HDPyê û li dijî îradeya kesên ku deng dane HDPyê ye. Di vê midaxeleyê de we jî weke amûr bikartîne û midaxele dewam dike.”
Doza KobaniyêSerdozgeriya Komarî ya Enqereyê di lêpirsîna derbarê çalakiyên Kobaniyê de biryara desteserkirina 82 kesan dabû. Akademîsyen Cîhan Erdal, Prof. Dr. Beyza Ustun û Can Memîş di 25ê Îlona 2020an de polîsan ew desteser kiribûn. Cîhan Erdal û endamên berê yên Lijneya Rêveberiya Navendî yên HDPyê jî di nav de tevlî 17 kesan di 2yê Çiriya Pêşiyê ya 2020an de girtibûn. Buroya Lêpirsînên Sûcên Terorê ya Serdozgeriya Komarî ya Enqereyê ji bo 108 kesan îdianame amade kiribû û Dadgeha Cezayê Giran a Enqereyê ya 22yan ev îdianame qebûl kiribû. Di îdianameyê de dozgerî 22 jê girtî, 6 jê bi şertê kontrola edlî serbest, ji bo her yek ji 108 kesan 38 caran cezayê miebeta girankirî xwestiye. Biryara zeftkirina 75 kesan dabû. Selahattîn Demîrtaş, Hevserokê Giştî yê kevn yê HDPyê jî di nava wan kesan de ye ku dozgerî ceza jê re dixwaze. Daîreya Bilind a Dadgeha Mafên Mirovan a Ewropayê (DMME) di 22yê Kanûna Pêşiyê ya 2020an de ji bo Demîrtaşî biryarek dabû û gotibû ku “divê demildest tehliye bikin”. Piştî wê bi heşt rojan, di 30ê Kanûna Pêşiyê ya 2020an de îdianameya navborî amade bûbû. Siyasetmedar hatine tohmetkirin108 kes weke berpirsiyarê wan bûyeran nîşan dane ku di dema navborî de bûne. Ew tohmet wiha ne: Dozgeriyê xwestiye ku bi tohmeta “têkbirina yekîtiya dewletê û hevgirtina welêt” her yek ji wan carekê, bi tohmeta “kuştina mirovan” her yer 37 caran, bi tohmeta “hewldana kuştina mirovan” her yek 31 caran, bi tohmeta “talankirinê” her yek 24 caran, bi tohmeta “destdanîna ser” her yek 38 caran, “hewldana destdanîna ser” her yek hezar û 750 caran, bi tohmeta “bi şewitandinê ziyandana malî” her yek 397 caran, bi tohmeta “ziyandana mal û milkên dewletê” her yek hezar û 60 caran, bi tohmeta “bi şewitandinê ziyandana malê dewletê” her yek 503 caran, bi tohmeta “binpêkirina parêzbendiya kargehan” her yek 53 caran, bi tohmeta “binpêkirina parêzbendiya kargehan a bi şev” her yek 294 caran, bi tohmeta “diziya aşkere ya bi şev” her yek 26 caran, bi tohmeta “diziya aşkere” her yek 20 caran, bi tohmeta “diziyê” her yek 114 caran, bi tohmeta “diziya bi şev” her yek 272 caran, bi tohmeta “birîndarkirina sivik” her yek 5 caran, bi tohmeta “birîndarkirina sivik a bi çekan” her yek 43 caran, bi tohmeta “birîndarkirina sivik a karmendê dewletê a bi çekan” her yek 264 caran, bi tohmeta “birîndarkirina sivik a karmendê dewletê a bi zanebûn” her yek 7 caran, bi tohmeta “birîndarkirina bi çekan a bi zanebûn di encama şikandina hestiyî de” her yek carekê, “birîndarkirina bi çekan a bi zanebûn a karmendê dewletê ya di encama şikandina hestiyî de” her yek carekê, bi tohmeta “birîndarkirina bi çekan a bi zanebûn” her yek 78 caran, bi tohmeta “birîndarkirina bi çekan a karmendê dewletê” her yek 51 caran, bi tohmeta “binpêkirina azadiya karî û karkirinê” her yek 3 caran, bi tohmeta “ziyandana îbadetxaneyan” her yek 4 caran, bi tohmeta “bûye sedema jiberçûnê” her yek carek, bi tohmeta “şewitandina alayê” her yek 24 caran, bi tohmeta “mixalefeta li dijî yasaya hejmar 5816ê” her yek 25 caran û bi tohmeta “tehrîkirina sûcî” her yek 25 caran werin cezakirin. Kesên tên dadgehkirinFigen Yüksekdağ, Sebahat Tuncel, Selahattin Demirtaş, Selma Irmak, Sırrı Süreyya Önder, Gülfer Akkaya, Gülser Yıldırım, Gültan Kışanak, Ahmet Türk, Ali Ürküt, Alp Altınörs, Altan Tan, Ayhan Bilgen, Nazmi Gür, Ayla Akat Ata, Aysel Tuğluk, İbrahim Binici, Ayşe Yağcı, Nezir Çakan, Pervin Oduncu, Meryem Adıbelli, Mesut Bağcık, Bircan Yorulmaz, Bülent Barmaksız, Can Memiş, Cihan Erdal, Berfin Özgü Köse, Günay Kubilay, Dilek Yağlı, Emine Ayna, Emine Beyza Üstün, Mehmet Hatip Dicle, Ertuğrul Kürkçü, Yurdusev Özsökmenler, Arife Köse, Ayfer Kordu, Aynur Aşan, Ayşe Tonğuç, Azime Yılmaz, Bayram Yılmaz, Bergüzar Dumlu, Cemil Bayık, Ceylan Bağrıyanık, Cihan Ekin, Demir Çelik, Duran Kalkan, Elif Yıldırım, Emine Tekas, Emine Temel, Emrullah Cin, Engin Karaaslan, Enver Güngör, Ercan Arslan, Fatma Şenpınar, Fehman Hüseyin, Ferhat Aksu, Filis Arslan, Filiz Duman, Gönül Tepe, Gülseren Törün, Gülten Alataş, Gülüşan Eksen, Gülüzar Tural, Güzel İmecik, Hacire Ateş, Hatice Altınışık, Hülya Oran, İsmail Özden, İsmail Şengül, Kamuran Yüksek, Layika Gültekin, Leyla Söğüt Aydeniz, Mahmut Dora, Mazhar Öztürk, Mazlum Tekdağ, Abdulselam Demirkıran, Mehmet Taş, Mehmet Tören, Menafi Bayazit, Mızgın Arı, Murat Karayılan, Mustafa Karasu, Muzaffer Ayata, Nazlı Taşpınar, Neşe Baltaş, Nihal Ay, Nuriye Kesbir, Remzi Kartal, Rıza Altun, Ruken Karagöz, Sabiha Onar, Sabri Ok, Salih Akdoğan, Salih Müslüm Muhammed, Salman Kurtulan, Sara Aktaş, Sibel Akdeniz, Şenay Oruç, Ünal Ahmet Çelen, Yahya Figan, Yasemin Becerekli, Yusuf Koyuncu, Yüksel Baran, Zeki Çelik, Zeynep Karaman, Zeynep Ölbeci, Zübeyir Aydar. |
(AS/AY)