Doza kuştina Denîz Poyrazê wê êdî li Dadgeha Şakranê pêk were

Ji bo nûçeya tirkî bitikîne

Denîz Poyraz di encama êrişa li dijî Avahiya Bajarê Îzmîrê ya Partiya Demokratîk a Gelan(HDP) de hatibû qetilkirin. 5emîn danişîna doza ku li Onûr Gencerî vebûye li 6emîn Dadgeha Cezayê Giran a Îzmîrê pêk hatiye.

Bersûc Onûr Gencer beşdarî danişînê bûye.

Malbata Denîz Poyrazê, Berdevka HDPê Ebrû Gunay, parlamenterên HDPê Mûrat Çepnî, Serpîl Kemalbay, Oya Ersoy, parlamenterê CHPê Sezgîn Tanrikulu, gelek serokên baroyan û welatî tevlî danişînê bûne.

Bixwîne- Doza Kuştina Denîz Poyrazê| Dadgehkirin wê 29ê Nîsanê dewam bike

Bixwîne-Parêzer Aslan: Di kuştina Denîz Poyrazê de Gencer bi tena serê xwe nebûye

Bixwîne-Parêzerên doza Denîz Poyrazê: Kujer 27 caran li Rêvebiriya Polîsan geriya ye

Piştî ku cendirme li birayê Denîz Poyrazê yê girtî Kamuran Poyraz dide, li salona dadgehê nîqaş û alozî derdikeve. Di navberê de polîsên ku salonê ne gaza bîberê li salonê direşîne. Piştî vê navber tê dayîn. Tevî gazê jî parlamenter û kesên ku danişînê dişopîne li salona dadgehê derneketine.

Piştî navberê heyeta dadgehê biryar daye ku bi sedema ewlehiyê wê danişîn neyê kirin, ji ber vê yekê dê danişîn roja Înê (14ê Çiriya Pêşiyê) di saet 10:00an de li salona dadgehê ya li Kampusa Girtîgeha Şakranê ya Îzmîrê were pêkanîn.

Çi bûbû?

Kesekî bi navê Onûr Gencer, di 17ê Hezîranê de bi çekê êrîşî avahiya HDPyê ya Îzmîrê. Di dema êrîşê de xebatkara partiyê, Denîz Poyraz kuştibû.

Gencer piştî êrîşê bi rojekê hatibû girtin. Gencerî di îfadeya xwe de gotibû, “Li hundir kî heba wê ew bikuştana.”

HDPyê di daxuyaniya xwe de gotibû, “wê rojê dê civînek li dar biketa lê ew hatiye taloqkirin.” Raya giştî bertek nîşanî kuştina Poyrazê dabû. Recep Tayyîp Erdogan, Serokomar û Serokê Giştî yê AKPyê piştî êrîşê bi du rojan axivîbû. Devlet Bahçelî, Serokê Giştî yê MHPyê Denîz Poyraz tohmet kiribû.

Di îdianameyê de hatiye gotin ku "Ti kesê ku alîkarî daye bersûc, pê dabe kirin, beriya bûyerê, di dema bûyerê an jî piştî bûyerê de nehatiye dîtin û delîlên ku bersûc beriya bûyerê yan jî piştî bûyerê bi ti rêxistineke terorîstî an jî endamekî re têkiliyê deyne, nehatiye dîtin."

Di lêkolîna HTSê de hatiye diyarkirin ku di navbera 17ê Hezîrana 2020an û 17ê Hezîrana 2021an de li Bûlvara Helbestvan Eşrefî, di dîrokên cuda de bi giştî 115 sînyalên aîdî bersûc hatine tespîtkirin.  

Di beşa encamê ya îddianameyê de ji bo kujer Onûr Gencerî di sê sûcên cûda de yên weke “kuştina plankirî”, “binpêkirina parêzbendiya cîhê kar” û “zerar dayîna kel û pelên partiyên siyasî ango saziyên pîşeyî” ceza hatiye xwestin. (RT/AY)