Dermankirina Chomsky dê li malê bê domandin

Nexweşxaneya Beneficencia Portuguesa de Sao Paulo rojeveke tibî ji AFPê re şand û ragihand ku “Noam Chomsky ê nexweş wê li malê dermankirina wî bê domandin û ji nexweşxaneyê hat derxistin.”

Piştî hin agahiyên ku li ser torên dîjîtal belav bûn ku dihat gotin entelektuelê 95 salî miriye, nexweşxaneyê daxuyanî da.

Hevjîna wî Valerîa Chomsky bersiv da e-postayeke ku ji AFPê hat û ev tişt nivîsand: “Ev ne rast e, ew baş e.”

 Chomsky ku yek ji piştevanên nêz ê gelê kurd e, li dijî dagirkeriya DYEyê ya li Iraqê û Şerê Vîetnamê derketibû. Chomsky nêzî lîderên Amerîkaya Latîn a çepgir ên mîna Fîdel Castro ye. Salên dirêj endamê Massachusetts Institute of Technology (MIT) bû û hîna jî li Zanîngeha Arîzonayê weke Profesorê Zimanzan Emerîtus wezîfeyê dike.