Careke din êrişî avahiya Bêrecûkê ya DEM Partiyê kirin
Di êrîşa duyemîn a li dijî avahiya Rêxistina Navçeya Bêrecûkê ya DEM Partiyê de camên avahiya partiyê hatin şikandin.
Duh (8ê Gulanê) bi çekan êrişî avahiya Partiya Demokrasî û Wekheviyê ya Gelan (DEM Partî) a navçeya Bêrecûk a Rihayê kiribûn. Îşev careke din li dijî avahiyê êrişa duyem pêk hat.
Li gorî nûçeya Rojnameya Yenî Yaşamê vê carê camên avahiya navçeyê ya li ser Şeqama Abdulkadîr Erdil a Taxa Meydanê ye hatiye şikandin.
Li Rihayê bi çekan êrişî avahiya DEM Partiyê kirin
8 Gulan 2024
Heta niha nasnameya êrîşkar an jî êrîşkaran nehatiye diyarkirin. Duh piştî êrişê Halîl Begît, birayê Mehmet Begîtê ku piştî hilbijartinê ji DEM Partiyê îstifa kiribû, hatibû desteserkirin.
https://bianet.org/haber/careke-din-erisi-avahiya-berecuke-ya-dem-partiye-kirin-295194
2024-07-23 01:30:09