Armen Sarkîsyan, Serokomarê Ermenistanê îstifa kiriye

Fotograf: AA

Ji bo nûçeya tirkî bitikîne

Armen Sarkîsyan, Serokomarê Ermenistanê aşkere kiriye ku wî ji wezîfeyê îstifa kiriye.

Li gorî nûçeya AAyê Sarkisyan di daxuyaniya xwe ya niviskî de diyar kiriye kul i welatê wî hin pirsgirêkên siyasî hene û ji bo çareserkirina wan pirsgirêkan di destê wî de amûrên pêwîst nîne.

Sarkisyan destnîşan kiriye ku ew weke serokomar xwediyê wê hêza qanûnî nîne ku pirsgirêkên derveyî û navxweyî çareser bike. Her weha Sarkisyan diyar kiriye ku hin komên siyasî ew û malbata wî kirine hedef.

Sarkîsyan daye xuyakirin ku rewşa wî ya tenduristiyê jî ji ber van sedeman neyînî bi bandor bûye û gotiye, "Ez demeke dirêj fikirîm û piştî 4 salan min biryar da ku dest ji serokomariyê berd im. Ev biryar ne bi hestyarî, di çarçoveya mantiqekî de hatiye girtin."

Sarkisyan di sala 2018an de weke serokomar hatibû hilbijartin, dema wezîfeya wî di 2025an de bi dawî dibû.(RT/AY)