Akedemîsyenên Zaningeha Enqereyê piştî 4 salan beraet kirine

Ji bo nûçeya tirkî / ingilîzî bitikîne

10ê Îlonê doza akademîsyenên ku bi sûcdarkirina muxalîfbûn li zagona 2911emîn a meşên xwenîşandan û civînan, li 35emîn Dadgeha Cezayê Eslîye berdewam kiriye. Di dadgehkirinê de heyetê biryara beraeta akademisyenan daye.

Li gorî agahîya parêzer Oya Aydinê daye bianetê heyeta dadgehê bi sedema nebûna insûrên sûcdarkirina wan ev biryar daye.

9ê Cotmeha 2014an li pêşîya kampusa Cebecîyê ya Zanîngeha Enqereyê di çalakîya piştgiriya ji bo Kobanê de polêsan êrîşî çalakvanan kiribûn û 5 akedemîsyen desteser kiribûn. Doz di derheqa akademîsyenan de hatibû vekirin.

Akademîsyenên hatibûn girtin Onur Can Taştan (Fakûlteya Zanistên Siyasî), Nail Dertli (Fakûlteya Zanistên Siyasî), Celil Kaya (Fakûlteya Zanistên Rêvebirî û Îqtîsadî), Aysun Gezen (Fakûlteya Zanistên Civakî) û İlkay Kara ( Fakûlteya Ragihandinê) di heman demê de îmzakerên belavoka aştîyê bûn. Herweha her 5 akedemîsyen 1ê Îlona 2016an bi KHKya (Biryarnameyên di Hikmê Zagonan de) a hejmar 672an ji karên xwe hatibûn avêtin. (BK/VU/FD)

* Fotograf: Mustafa Kamacı / Ankara / AA