Serokomarê Iraqê Ebdul Letîf Reşîd gotiye: “Hebûna Tirkiyeyê ya li nav sînorên me; gelekî zêde ye, gelekî berbiçav e û nayê qebûlkirin."

Tîma Gençlerbirligiyê duh bi futbolîstê kurd Rodîn Cem Depremî re peyman îmze kiriye û îro ew peyman betal kiriye.

Pinar Gayip, Edîtora ETHAyê gotiye, “Her dema ku daraza mêr sûcdaran diparêze, dixwaze rojnamegerên ku qala kirinên mêran dikin bêdeng bike. Vekirina 3 lêpirsînan li ser heman mijarê tê wê wateyê ku çavê me li ser te ye. Ez ê karê xwe bidomînim."

Ferît Şenyaşar diyar kiriye ku qebûlkirina daxwaza guhdarkirina şahidan di danişîna duh de erênî ye û her weha Şenyaşarî destnîşan kiriye û gotiye heta ku birayê wî yê girtî neyê berdan ew ê li ber edliyeyê bin.

Ûgûr dema ji Girtîgeha Amedê birine nexweşxaneyê bi kurdî silav daye hevaleke xwe û ji ber vê jî ew derman nekirine. Her weha ceza dane wî ku wê mehekê nikaribe beşdarî bernameyên sporê û sohbetkirinê bibe.

Li gorî rapora Rêxistina Perwerde, Zanist û Çandê ya Neteweyên Yekbûyî, welatên ku di sala 2022an de herî zêde rojnameger lê hatiye kuştin Meksîka û Ûkrayna ye. Li gorî raporê li Meksîkayê 19 û li Ûkraynayê 10 rojnameger hatine kuştin.

Dadgeha Şoreşê ya Îranê 9 bi sedema ku piştgirî daye protestoyên piştî kuştina Jîna Mahsa Amîniyê destpê kirine, 9 sal û 9 meh cezayê girtîgehê daye derhêner Mujgan Îlanlûyê. Her weha wê 74 qemçî li Îlanlûyê bixin.

Ji ber mirina bigûman a Yilmaz Ekinciyî, bi tohmeta ku “karê xwe baş nekirine” doz li 5 gardiyanên Girtîgeha Aydinê vekirine.

Meclisa Kantona Baselê ya li Swîsreyê, kurdê bi navê Bulent Pekerman ku ji bajarê Konyayê ye û endamê Partiya Kesk a Lîberal (GLP) e weke serokê nû yê meclîsê hilbijartiye

Hevseroka Giştî ya HDPyê Bûldanê gotiye: “Em di têkoşînê de hene, di berxwedanê de hene, di siyasetê de hene, di pêşbirkê de hene. Em di Serokomariyê de jî hene. Em di îdiaya birêvebirina welêt de jî hene.”

Serdar Çelebî, parêzerê malbata Kûrkût gotiye, “Darizîneke ji rêzêye ye ku faîl polîs e û kuştî jî Kurd e,”

Berpirsê Weşanê yê Giştî yê rojnameya Agosê Hrant Dînk, di salvegera 16an kuştina wî de wê li cihê lê hatiye kuştin bê bibîranîn.

Serkomîserê Dezgeha Polîsan ê Londonê Rowley piştî polêsek li xwe mikur hat ku herî kêm 49 caran sûcê êrişa zayendi kiriye, daxuyanî daye û gotiye: "Me xedariya ku li dijî sûcdaran pêkanî li dijî kesên di nav xwe de pêkneanî."

Parêzerên Rêberê PKKyê Abdûllah Ocalanî, careke din serî li CPTyê daye û xwestiye rapora derbarê serdana xwe ya dawî ya li Îmraliyê de aşkere bikin. Zêdetirî 21 meh in ti agahî ji Ocalanî nîne.

Pêşniyarnameya têkildarî hestiyên ku li Geliyê Zîlanê derketibû holê ya Parlamenterê Wanê yê HDPê Tayîp Temel weke “gotinên nexweş” nirxandine û qebûl nekirine.

Di dema çalakiyê de karkeran xwestiye Serokê Odeya Firinvanan a Tirkiyeyê Halîl Îbrahîm Balci dest ji wezîfeya xwe berde.

Sancarî gotiye ku ji bo doza girtinê wan îro serlêdaneke din li Dadgeha Destûra Bingehîn kiriye û xwestiye ku dadgehkirin bila bimîne piştî hilbijartinê.

Emîne Şenyaşarê ji bo danişîna destpêkê a doza “Komkujiya Nexweşxaneyê” gotiye: “Heke zext çêbibe, dibe ku edalet pêk were û kurê min bê berdan. Hêviya min di hatina we de ye.” Danişîna dozê dê sibê pêk were.

Li gorî daneyên HRANAyê, di xwepêşandanên ku bi mirina Jîna Mahsa Amîniyê re destpê kirine de heta niha 71 jê zarok 524 xwepêşander mirine.

Parlamenterê HDPyê Mûsa Pîroglûyî gotiye: “Polîtîkayên tecrîdkirinê li vî welatî kurteya nêrîna li pirsgirêka kurdan a hikûmetan û dewletê ye.”