Li gorî bultena Komeleya UniKuirê ya meha Çiriya Paşiyê, partiyên siyasî yên ku komên wan li parlamentoyê hene, di 17 civînên komên xwe de behsa mafên LGBTI+an nekirine.

Rêveberiya Kerkûkê nehiştiye ku komên şanoyê yên kurdî yên ji derveyî Hikûmeta Herêma Kurdistanê çûne, beşdarî festîvalê bibin.

Li gorî daneyên ku TUIKê belav kiriye hejmara bêkariya sînordar di çar yeka duyemîn ya salê de 234 hezar kêm bûye û bûye 3 mîlyon û 433 hezar kes.

Derbarê siyasetmedar Aysel Tûglûkê de ku çendek berê ji ber nexweşîna demansê hatibû berdan, ji ber bûyereke ku di sala 2014an de qewimiye, bi sûcê "endamtiya rêxistinê" îdianame hatiye amadekirin.

Parêzer Jiyan Tosûn a ku piştî teqîna li Taksîmê hedef hat nîşandan diyar kir ku zanyariyên wê yên şexsî bi rêya saziyên fermî bi kesên sêyemîn re hatine parvekirin.

Îranê bi mûşek û balafirên bêmirov ên kamikazê êrîşî baregehên HDK-Î û Komeleyê yên li bajarên Hewlêr û Silêmaniyê yên Herêma Kurdistana Iraqê kiriye. Di êrîşê de kesek miriye û 8 kes jî birîndar bûne.

Fermandariya Giştî ya Navenda Parastina Gel ku serbi PKKyê ye diyar kiriye ku tu pêwendiya wan bi teqîna li Taksîma Stenbolê re tune û sersaxî ji xizm û malbatên kesên mirine re xwestiye.

Saziyan têkildarî êrişa nijadperest ya li dibistaneke Bûrsayê li dijî kurdî daxûyanî dane û gotine, “Em vê êrişa faşîzan bi tundî şermezar dikin û bang û gazî li hemû kurdan û derdorên ku ji xwe re dibêjin mirov dikin ku li dijî her cureyê êrişên faşîzan û bişaftinê xwedî li zimanê kurdî derkevin”

Rêvebiriya Emniyetê ya Stenbolê ragihandiye ku têkildarî êrişa duh ya Kolana Istiklalê wan 46 kes desteser kirine.

Suleyman Soylû ragihandiye ku li gorî zanyariyên berdest PKKyê êriş pêk aniye.

Alîkarê Serokomar Fuat Oktay ragihandiye ku di teqînê de 2 jê giran 81 kes birîndar bûne û 6 kes jî mirine.

Di Kargeha Rojnamegeriya Mafparêz ya Kurdî de Ferîd Demîrel, Mirad Bayram, Erselan Aktan, Hatice Kamer û Sertaç Kayar bi mijarên cûda ders dan.