Walîtiya Amedê derbarê teqîna li avahiya Midûriyeta Emniyetê ya navçeya Baglarê de destnîşan kir ku tonek teqemenî di tunelê de hatiye bikaranîn.

Wezareta karên derve ya Rûsyayê da zanîn ku îro nûnerên Rûsya û Amerîkayê dê li ser hev herêma ji firînê re qedexe biaxivin.

Derbarê êrîşa li bajarê Idlibê ya Sûriyê ku tê îdiakirin bi çekên kimyewî pêk hatibû DYA, Îngiltere û Fransayê pêşnûmeyek pêşkêşî KENYyê kir ku daxwaza şermezarkirinê û lêpirsîna êrîşê tê kirin.

Di teqîna duhî li Amedê pêk hatî de, hejmara wan kesên mirîn bû sê. Wezîrê karên navxweyî Sûleyman Soylûyî diyar kir ku tûnel hatiye kolandin û teqemenî tê de hatiye teqandin.

Erkugrul Kurkçu bersiva gotinên Serokomar Erdogan ên derbarê Serokê CHPê Kiliçdaroglu de da û got, “Ji ber ku tanga em derkevin ser tune bû min berxwedana Hayati Yazici nedît”.

Cejna Cihûyan a bi navê Pesahê dest pê kir. Ev cejn pîrozkirina ji koletîya li Misrê ye.

Li gorî daxuyaniyên piştî Lûtkeya G7ê, li ser tunebûna Beşar Esad di dahatûya Sûriyê de hemû alî wek hev difikirin. Di lûtkeyê de ji bo mueyideyên nû yên li hemberî Rûsyayê biryar derneket.

Ji pêşiya referandûmê nûnerên partiyan dê ji bo propagandayê dest bi axiftina li TRTyê bikin. Nûnerê AKPyê dê 30, yên CHP, HDP û MHPyê dê 20 deqîqeyan biaxivin.

Ji bo piştgiriya girtiyên ku 56 roj in di greva birçîbûnê de ne li Amedê bi pêşekiya malbatên girtiyan greva birçîbûnê ya bidor hat destpêkirin.

Li gorî rapora Rêxistina Efûyê darvekirin herî zêde li Çînê pêk hatiye. Li Malezya û Vîetnamê hejmara kuştinan ji hejmarên fermî zêdetir in. Malezya û Filipîn jî dixwazin cezayê darvekirinê bi şûn de bînin. Darvekirin li Tirkiyê jî careke din bû mijara nîqaşê.

Kovara qerf û henekan a bi navê UYKUSUZê li ser serbestberdana A.O.V.yê ku îstismar li zarokên xwe kiribû xêzewêneyek çêkir û li ser bergê xwe belav kir. Xwedana wê nûçeyê bianet e.

20emîn Xelatên Rojnamegeriyê ya Metin Goktepe di rojbûna Goktepe de hatin dayin.

Li gor rapora binetê ji sedî 38ê jinên hatîn kuştin ji beriya bêne kuştin xwestine ji partnerê xwe an mêrê xwe cida bibe.

Li navçeya Baglarê ya Amedê teqînek pêk hat.

Wezîrê karên navxweyî, Sûleyman Soylûyî tedbîrên ewlehiya referandûmê eşkere kirin.

Li navenda Şirnexê û navçeyên Hezex, Cizîr û Silopyayê di hin sietên şevê de derketina derve qedexe bû. Walîtîya Şirnexê qedexeya ku ji beriya salekê îlan kiribû rakir.

Penaberên Sûriyeyî yên li navçeya Torbali ya İzmirê konên wan ji hêla niştecihên taxê ve hatin rûxandin ji bo demekê li ciyekî din bicî bûn. Komeleya Înîsiyatîfa İmeceyê alîkariya qût dan ji bo 17 malbatên penaber.

Dadgehê ji ber govend-girêdan û beşdariya li daxuyaniya li ser zimanê dayikê bi îdiaya “endambûna rêxistinê” 6 sal û 3 meh cezayê girtinê da Yûnûs Onalî. Yûnûs Onal yek ji edîtorên berê yên bianet/Kurdî ye.

Di sindoqên li derveyî welêt ên ji bo referandûma guhertina Destûra Bingehîn a 16ê Nîsanê de, dema dengdanê bidawî hat. Li gorî daneyên nefermî, li derveyî welêt nêzîkî yek milyon û nîv deng hatin bikaranîn.

Di 100emîn roja girtîbûna Ahmet Şik de rojnameger li Tunel a Taksîmê hatin ba hev û xwestin ku hemû rojnamegerên girtî azad bibin.