Polîsan bi tometa “hewildana ji bo nemeşrûdîtina encamên referandûmê” edîtorê sendika.orgê, Alî Ergîn desteser kir.

YSKê serlêdanên CHPê, HDPê û Partiya Vatanê yên ji bo betalkirina referandûma guhertina destûra bingehîn qebûl nekir.

Kesên ku me bi wan re hevpeyvîn kir, bi hevparî behsa berxwedana Geziyê kirin. Ji bo vê yekê me jî navê vê dîasporaya nû kir “Dîasporaya Geziyê”.

Parlamentera HDPê ya Mûşê û Endama Komisyona Lêkolînê ya Mafên Mirovan a Meclîsê Burcu Çelik hat girtin.

Berdevka Partiyê ya CHPê got “Divê ev referandûm were dubarekirin. Ji bo wê divê ti şika we tune be ku em ê hemû mafên xwe yên demokratîk bikar bînin. Dema ku dibêjin her cure, di nava wê de vekişîna ji Meclîsê jî û berdewamiya xebatê jî di nav de ye”.

Girtîyên ji ber endambûna PKK û PAJKê di girtîgehan de ne, 64 roj in ku di Greva Birçîbûnê de bûn. Piştî banga KCKyê girtiyan dest ji grevê berda.

Ji bo îdiayên desteserkirin û îşkenceyê yên li ser mêrên hevzayend ên li Çeçenyayê daxuyaniyeke fermî nehatiye dayin. Parazvanên mafan li ser înternetê kampanyeyan lidar dixin. Ji hesabê İstanbul LGBTI+ Hefteya Rûmetê jî daxuyaniyek hat dayin û hat gotin ku “Ne mafê me yê jiyînê ne jî mafê me yê hebûnê nikarin ji destê me bistînin”.

Êzidî Çarşema pêşiyê ya piştî 13ê Nîsanê wek cejna Çarşema Sor pîroz dikin. Bila cejna Çarşema Sor pîroz be.

Dema Rewşa Awarte ji 21ê Tîrmeha 2016ê ve bû cara 3. ku hat dirêjkirin.

Rojnamegerî Îtalî Gabriele Del Grande ku 10 roj in li Tirkiyê desteserkirî ye dest bi greva birçîbûnê dike.

Duh bi şev li gelek bajaran di çalakiyan de biryara YSKê ya zerfên bê mor û encamên nefermî hatin protestokirin.

Vê sibeyê polîsan bi ser malên wan kesên kampanyaya NAyê birêvebirîn de girtin û ew desteser kirin.

Herî zêde ji kesên karîne ji Tirkiye biçin re wiha tê gotin: “Tu çûyî û te xwe xelas kir…” Gelo di rastiyê de kesên karîne biçin weke rizgariyeke heta dawiyê dijîn?

Helîkoptera polîsan li Dêrsimê ket. Di helîkopterê de 7 polîs, dadgerek, serbazek û sê helîkopterajo hebûn. 12 kesên di helîkopterê de mirin.

Yek ji endamên desteya çavdêriyê ya Konseya Ewropayê ku çavdêrî li dengdana ji bo referandûmê kiribû daxuyand: Dibe ku 2,5 milyon deng hatibin manîpûlekirin.

Hevserokatiya Desteya Birêveberiya KCKê daxuyaniyek belav kir û got ku “Bi wê baweriya ku ji bo mijarên bûne rojev bên şopandin û têkoşînê bi rê û rêbazên nû bidin, em dixwazin grevên birçîbûnê yên bêdem û bêdor bidawî bibin”.

Lijneya Bilind a Hilbijartinan(YSK) şeve dî li ser zerfên bêmor daxuyaniyek da û Ajansa Anadolûyê encamên nefermî yên referandûmê eşkere kiribû. Xwenîşanderan ev yek protesto kir.

Koşka Spî û Wezareta Derve ya DYAyê derbarê referandûmê de balkişandin ser rapora RHEEyê, Serokdewletê DYAyê Trump bi rêya telefonê li Serokomar Erdogan geriya û wî pîroz kir.

Kurtulmuş got ku biryara Desteya Wezîran a ji bo dirêjkirina Rewşa Awarte wan şandiye Meclîsê.

Piştî dawîkirina pêvajoya çereseriyê, him şer destpê kir him jî operasyonên mezin li ser medyaya Kurdî de pêk hatin.