Nivîskar Mûrat Saat ku di 21 saliya xwe de cezayê muebetê danê û 21 sal in di girtîgehê de ye çû ser dilovaniya xwe. Saatî bi pirtûka xwe ya çîroka ya di girtîgehê de nivîsandibû sala 2014yê Xelata Çîrokan a Komeleya Rojên Çîrokan a Enqereyê ya Navnetewî wergirtibû.

Ferhat Tûncî ji bo zêmara bi navê “Sonde Halvoriyê” di 80emîn salvegera darvekirina Seyîd Riza û hevalên wî vîdeo-klîpek amade kir ku stran di albuma wî ya bi navê “Kobanî”yê de cî digire.

DAIŞê li paytexta Efxanistanê, Qabûlê êrîşî navendeka çandê kir, di êrîşê de 40 kes mirin 48 kes birîndar bûn.

Piştî ku Serokkomarê Recep Tayyîp Erdogan ji bo serokê Sûriyeyê Beşar Esadî got “ew terorîst e” Esadî bersiva wî da.

Kilam, zêmar, stran û dûrikên li herêma Dêrsimê tên gotin di pirtûka bi navê “Kilamên Dêrsimê” de hat weşandin. Pirtûka ku ji hêla Husniye Aydin ve hatiye amadekirin ji hêla Weşanên Lîsê hatiye weşandin.

Di doza ku bi hinceta “propagandeya rêxistinê kiriye” li hemberî belgefilmê “Bakur” vebûye de beriya ku îfadeya derhêner Çayan Demîrelî, sînamger li ber avahiya edliyeyê kom bûn.

Fermandarê Yekîneyên Parastina Gelî(YPG), Sîpan Hemoyî diyar kir ku Rûsyayê soz daye wan ku YPG dê beşdarî Kongreya Dîyaloga Neteweyî bibe. Kongre dê di Kanûna Paşiyê de li bajarê Şoçîyê yê Rûsyayê bê pêkanîn.

Li gorî rapora Fonda Alîkariyê ya bi Zarokan re ya Neteweyên Yekgirtî (UNICEF) sala 2017yê ji bo zarokên ku li herêmên şer lê hebûne bûye “saleke kabûsê”. Êrîşên li ser zarokan hatiye wê astê ku “mirovan şaşwaz” dike.

Erdoganî li Tûnisê civîneke çapemeniyê li dar xist û Beşar Esad Serokdewletê Sûriyeyê bi kirina “terora dewletê” sûcdar kir û got ku meşa bi Esadî re ne mimkun e.

Endamên Rêxistina Stenbolê ya Komeleya Mafên Mirovan(IHD) ji bo rojnameger, sîyasetmedar û mafparêzên girtî qertên sala nû şandin.

Hevserokê Partiya Gelan a Demokratîk(HDP), Selahattin Demirtaşî eşkere kir ji bo têkoşîna demokrasîyê yek ji ûnsûrên herî giring eşkerekirina rastiyan e.

Sergey Çemezov Serokê Rosthehê ku şîrketa berevaniyê ya Rûsî ye aşkere kir ku Tirkiyeyê bi 2.5 milyar dolarî 4 heb Bataryayên S-400î kirî ne. Tirkiye yekem welatê NATOyê ye ku bûye xwediyê van bataryayan.

Erol Onderoglû û Şebnem Korûr Fîncanci ji ber ku bûne nobedarên weşana Ozgûr Gûndemê têne dadkirin. Korûr Fîncanci û Onderoglûyî îro nerazîbûna xwe ji bo astengkirina xwe-parastina Ahmet Şikî diyar kir.

Sonja Galler û Dawid Yeşîlmenî 5 çîrokên Birayên Grimm wergeranine ji bo Kurdî û dixwazin hin berhemên din jî wergerînin.

Civîna pêşiyê ya 3 akademisyenên ji Zanîngeha Stenbolê li 36emîn Dadgeha Cezayê Giran a Stenbolê bi rê ve çû. Dîsa li 13emîn Dadgeha Cezayê Giran a Stenbolê 4 akademisyen hatin dadgehkirin.

Biryara “girtî dema ji girtîgehan bêne derêxistin dê cilikên îdareya girtîgehê dayîn ku wek hev in li xwe bikin” li Rojnameya Fermî hat weşandin. 12 BAROyan bi daxuyaniyekê nerazîbûna xwe diyar kir.

Nivîskar û helbestvan M. Çiya Mazî wê li Stenbolê helbestên xwe yên di pirtûka xwe ya dawî de weşandiye li Janya Cafeyê bixwîne.

Bankêr û aktîvista kurd Narîn Nadîrova (Narîna Kinyazê Hemîd) li Qazaxistanê xelata herî mezin a dewletê stand.

Li Colemêrgê dema ku leşkerên Hêzên Çekdar ên Tirkan(TSK) operasyonek dikir PKKyîyan êrîş kiriye. Di êrîşê de 2 leşker mirine.

5emîn civîna doza Rojnameya Cûmhûriyetê li 27emîn Dadgeha Cezayê Giran a Stenbolê ya li Çaglayanê bi rê ve çû ku 5 jê girtî 20 gumanbar tên dadgehkirin. Dadgehê biryar girt ku rojnamger girtî bimînin û 3 parêzer nekarîbin dozê bişopînin. Civîna dadgehê wê di 9ê Adarê ya 2018yê saet 10.00ê sibê li Kampusa Saziyên Girtîgeha Sîlîvriyê çêbibe.