bianetê roj bi roj bûyerên bi Operasyona li ser Efrînê bûyîn şopandin. Me nûçeyên giring ên bianetê yên li ser operasyonê li vê derê berhev kirin.

Neteweyên Yekbûyî(NY) eşkere kir ku mirovên li gelek herêmên Sûriyeyê dijîn “di rewşeka xeter de ne.”

Wezareta Navxweyî aşkere kiribû ku ji ber parvekirinên medyaya civakî yên derbarê operasyona li ser Efrînê bi tohmeta “propagandaya terorê” 449 kes hatine desteserkirin. Li Konyayê bi heman hincetê vê sibehê 10 kesên din hatin desteserkirin.

Hollandayê eşkere kir ku wê bi awayekê fermî balyozê xwe yê li Tirkiyeyê vegerandiye. Li gor rojnameya Financial Timesê Tirkiye li bendê bû Hollandê lêborînê bixwaze. Li gor medyaya Hollandayê jî Hollanda li bendê bû lêborîn ji wê bê xwestin.

Li Idlîbê êrîş li çepera çavdêriyê ya TSKyê(Hêzên Çekdar ên Tirk) hatiye kirin di êrîşê de leşkerek miriye, pênc leşker û karmendekê sivîl birîndar bûne. Duhî jî leşkerek û karmendekê sivîl miribûn.

8 doktorên ji Yekîtiya Doktorên Tirkan (TTB) duh derketin pêşberî dadgehê û piştî îfadeyê bi şertê kontrola edlî biryara serbestiyê ji bo wan hat derxistin. 3 doktor roja înê bi heman şertî serbest mabûn.

Jinên sîyasetmedar ên girtî ji bo Perlamentoya Ewropayê, Neteweyên Yekbûyî(NY) û Rêxistina Hevkariya ji bo Ewlehiyê ya Ewropayê nameyek nivîsî. Wan diyar kir divê li şûna polîtîkayên leşkerî polîtîkayên aştîxwaz hebin.

Meclîsa Ewlehiya Karî û Tenduristiya Karkeran (İSİG) meha Kanûna Paşiyê 5 jê zarok, 2 jê jin, 10 jê penaber, herî kêm 141 karker mirine.

Wezîrê karên derve yê Hallandayê, Halbe Zijlstrayî da zanîn ku welatê wî bi awayekê fermî balyozê xwe yê li Tirkiyeyê vegerandiye. Ev salek bû Tirkiyeyê destûr nedida wezîrê Hollandayê bê Tirkiyeyê.

Wezareta Navxweyî aşkere kir ku ji ber parvekirinên medyaya civakî yên derbarê operasyona li ser Efrînê, 449 kes bi tohmeta ku “propagandaya terorê” kirine hatine desteserkirin. Hejmara kesên ku ji ber protestokirina operasyonê hatine desteserkirin 124e.

Serokkomarê Recep Tayyip Erdogan ji bo îro bi papayê Francesco re bicive şeva dî çûye Vatikanê. Mijara civînê dê rewşa Qudsê be.

Di operasyona li ser Efrînê de duh Bekîr Evren Çawişê Pispor Komandoyê Peya û Selîm Vûrdal Çawişê Pispor mirin.

Nûçegihanê Ajansa Anadolûyê, Sarp Ozer dema nûçeyên li ser Operasyona li ser Efrînê çêdikir ji destên xwe û lingê xwe birîndar bûye.

Ji 11 endamên Konseya Navendî ya Yekîtiya Doktorên Tirkan Adiyaman, Horasan û Gokalp ji hêla Dadweriya Cezayan a Sulhê ve bi şertê kontrola edlî serbest man. Heşt doktor hîna li Midûriyeta Emniyetê tên girtin.

Polîsan nûçegihanê ETHAyê(Ajansa Nûçeyan a Etkînê), Alî Sonmez Kayar û nûçegihana Seyri Sokakê Sibel Tekin desteser kirin.

Şeş roket avêtin Kilîs û navçeya Reyhanli ya Kilîsê, di encamê de 11 kes birîndar bûn. Di encama teqînê de kesek mir.

Bi hinceta parvekirinên medyaya civakî li Enqere, Stenbol û Eskîşehîrê polîsan bi ser malan de girtin û herî kêm 10 kes hatin desteserkirin.

Polîsan Ali Erolê ku yek ji avakerên Kaos GLyê ye û aktivîstekê LGBTIan e li Enqereyê li mala wî desteser kir.

Li bajarê Colemêrgê û li navçeyên Şahinbey, Şehitkamîl û Oguzelî yên Dîlokê hemî çalakiyên civakî hatin qedexekirin.

Metîn û Kemal Kahraman wê sibê (3yê Sibatê) li Navenda Perwerdeyê ya Gel a Kadikoyê konserekê bidin