Weqfa Ragihandinê ya IPSyê 2yê Îlonê Atolyeya Rojnamegeriya Kurdî û Wergerandina Nûçeyan li AtolyeBIAyê pêk anî.

Belgefilma li ser Yilmaz Guneyî di Festîvala sêyem a Beyond the Bordersê ya Yewnanîstanê de xelat wergirtiye. Derhênerê belgefilmî Huseyîn Tabak e.

Walîtîya Amedê bi daxuyaniyekê îlan kiriye ku li pênç gundên Liceyê û li gundekê Hezroyê derketina derve qedexe ye.

Mirovên/Dayikên Şemiyê 701 rojên Şemiyê ne ku pirsa lêzimên xwe yên bêserûşûn dikin, polîsan rêya wan girtiye ku nekarin biçin cihê civînê.

Namzetên Partîya Demokratîk a Gelan (HDP) ji bo beşdarbûna mîtînga roja aştîyê bangî welatiyan kirin. 1ê Îlonê Roja Aştîyê a Cîhanê ye. Mîtînga HDPyê 2yê Îlonê li Qada Aştîyê a Bakirkoyê ye. Namzetan li kolana Îstîklalê teblîx belav kirin.

Dayikên/Mirovên Şemiyê û Komisyona İHDyê bi daxuyaniyeke hevbeş gotin, “Em e di hefteya 701ê de jî li Qada Galatasarayê bin.”

Li navçeya Hezoyê ya Êlihê di navbera hêzên ewlehiyê û PKKyiyan de şer qewimî ye û di encamê de du leşker mirine.

Encama tercîhên xwendekaran a ji bo Sazîyên Bilind ên Perwerdeyê (YKS) diyar bûye.

Serokê Dewletên Yekbûyî yên Amerîkayê(DYA) Donald Trumpî diyar kiriye ku dema wî girtîyeka Tirk li Îsraîlê dayî berdan wî hêvî kiriye ku serokkomarê Tirkiyeyê Recep Tayyip Erdogan jî keşeyê di girtîgeheka Tirkiyeyê de bide berdan lê ev yek pêk nehatiye û hêviyên wî ji Erdoganî şikestine.

Staffan de Mistura nûnerê daimî yê Neteweyên Yekgirtî (NY) yê ji bo Sûriyeyê Rûsya, Îran û Tirkiye ji bo operasyona Idlibê hişyar kiriye ku plan dikin piştgiriyê bidin operasyonê. Di Mistura wiha gotiye: “Her du alî jî dikarin çekên kimyewî bi kar bînin, dibe ku firtoneyek bêçêkirin.”

Neteweyên Yekbûyî digel Komeleya Penaber û Koçberan “Rapora hewceyîyên jin û zarokên ji bo demekê li Tirkiyeyê penaber in” amade kiriye.

Hunermendê kurd Kayhan Kalhor hêjayî xelata Giyanê Mirovahiyê ya Issac Stern a 2008ê hatiye dîtin.

Li bajarê Wiesbadenê ya Eyaleta Hessenê ya Almanyayê, di bienalekê de peykerê serokkomarê Tirkiyeyê Recep Tayyîp Erdoganî bi peyama “nûçeya xerab” nîşan dabû. Şaredarîya Wiesbaden peyker rakiriye.

Li gor rapora Komeleya Mafên Mirovan (IHD) di girtîgehan de 1154 girtîyên nexweş hene. Ji wan nexweşan jî rewşa 402 kesan gelekî xirab e.

Partiya Edalet û Pêşdeçûnê(AKP) eşkere kir ku ew ê rêyê nedin Dayikên/Mirovên Şemiyê. Partiya navborî diyar kir ew ê çalakiyên li Caddeya Îstîklalê û çalakiyên bi wî rengî asteng bike.

Heyeteke ku ji namzetên HDPyê(Partiya Gelan a Demokratîk) pêk tê xwestiye here cîyê êgir girtî daristanê. Heyetê xwestiye lêkolînê li cîyê bûyerê bike. Hêzên Çekdar ên Fermîdestûr nedaye endamên heyetê.

Wesselinkê ku li Hollandayê li ser dêran kar dike dibêje ku ji ber êdî kes nema diçin dêran, an wan derdixin ber firotinê yan jî dirûxin. Li gorî nêrîna Wesselinkî di 12 salên pêşiya me de têpayîn ku bi hezaran dêrên din vala bibin.

Li Izmîrê zarokekî bi çeka bavê xwe dileyîst, bi wê çekê xwe kuştiye.

Bernameyên AtolyeBİAyê yên payîzê dê di 17ê Îlonê de dest pê bikin. Dê atolyeyên “Atolyeya Nûçegîhanîya Bajarvanî û Jîngehê”, “Nûçegîhanîya Darazê”, ya “Zarok û Medya” û “Rojnamegerî”yê bên kirin. Ji bo serîlêdanan dîroka dawî 10ê Îlonê ye.

Jim Mattis Wezîrê Berevaniyê yê DYAyê ji bo moşekên S-400î yên ku wê Tirkiye ji Rûsyayê bikire gotiye, “em bi fikar in”. Mattis her weha diyar kiriye ku ji bo mijara balafirên şer ên F-35 ew bi Tirkiyeyê re diaxivin.