Bi îdiaya ku di dema civîna partiya xwe ya li Dêrsîmê axivî ye û “propagandaya rêxistinê kiriye” lêpirsînname ji bo Sezaî Temellî, Hevserokê Giştî yê HDPyê hatiye amadekirin.

Serokwezîra parlamentoya Qiraliya Yekbûyî, Teressa Mayê xwestiye cara sêyem parlamento ji bo minaqeşeya li ser Brexitê kom bibe. Serokê parlamentoyê John Bercowî destûr nedaye.

Li gorî daneyên Meclîsa Tenduristiya Karkeran û Ewlehiya Karî, di sala 2018ê de ji karkerên ku li Stenbolê mirine ji sedî çar jê jin, ji sedî 96 jî mêr bûne.

Li bajarê Utrechtê yê Holandayê, kesekî bi çekan êrîş kiriye, sê kes mirine. Polîsan dora cihê bûyerê girtiye.

Li Filîpînê termê balînayekê derketiye beravê. Ji termê balînayê 16 telîsên birincê û 40 kêlo plastîk hatiye derêxistin.

Nesrîn Sutude, parêzereka li Îranê ye û li dijî cezayê îdamê ye. Ji ber ku ew li dijî îdamê ye dadgehên Îranê 12 Adarê, 38 sal cezayê girtinê û lêdana 148 şivan daye wê. Rêxistina Navneteweyî ya Efûyê ji bo parêzera Îranî kampanyayek daye dest pê kirin.

Girtiyê nexweş, Zulkuf Gezenê li Girtîgeha Tekîrdageê di greva birçîbûnê de bû, dawî li jiyana xwe aniye. Cenazeyê Gezenî saetên bi şev birine Amedê û di bin dorpêça polîsan de hatiye binaxkirin.

Piştî êrişa roja înê ya li ser du mizgeftan duh kesekî 22 salî li Zelandaya Nû hatiye desteserkirin. Polîsan diyar kiriye ku ji ber “weşanên qedexe” pê re hebû, hatiye girtin.

Ji xwe demsala biharê weke testekê ye ku bê ka hela alerjiya polena bi mirov re heye an na. Jêderka polenan herî pirr darên findiqa, çinar, darsor, darên fêkiya û gul û kulîlkên niştecîhî yên biharê ne.

Li ser bangewaziya Greta Thunberg, çalakvana îqlimê, li 125 welatan bi sed hezaran xwendekar îro beşdarî çalakiya kureyî bûne. Daxwaza hevbeş a zarokan ew e ku gihîştî zûtirîn demê ji bo pêşî li guherîna di îqlimê de bikin, bikevin nava liv û tevgerê.

Îro ji bo dadkirina akademîsyenên aştîxwaz rûniştineka dadkirinê hebû lê ji ber ku xwe-parastina akademîsyenekî nehatiye şandin rûniştin hatiye paşdedan.

8em Daîreya Cezayan a Dadgeha Bilind di dozekê de biryara beraetê ya dadgeha herêmî qebûl kiriye ku bi tohmeta îdiaya “propagandaya rêxistinê hatiye kirin” û ji ber gotina “Bila Ocalan azad be” hatibû vekirin.

Li bajarê Christchurchê yê Zelandaya Nû, êrîşên çekdarî birine ser du mizgeftan. Herî kêm 49 kes mirine. Piştî êrişan polîsan operasyon li dar xistine, di wesayitekê de teqemenî hatiye bidestxistin.

HDPyê ji bo hilbijartina herêmî ya 31ê Adarê vîdeoyek ji bo reklama xwe amade kiriye û ji kanalên televizyonê re şandiye. Lê kanalên taybet û yên fermî ev vîdeo neweşandiye

Dadgeha Cezayên Giran a 28. a Stenbolê 2 sal û sê meh cezayê girtinê da Çare Olgun Çalışkanê.

Di 10ê Sibata 2013ê de li taxa Şehitlikê ya Amedê, wesayiteka zirxkirî li Şahin Onerê 19 salî daye û ew kuştiye.

Dadgeha Istînafê biryara beraetê ji bo Pişkînê İHDyî daye ku 2 sal û 6 meh cezayê girtinê lê hatibû birîn. Încî Încesagir, parêzerê Pişkînê got ku “biryara dadgehê dibe ji bo dadkirinên akademisyenan bibe mînak”.

Karmendên deletê yên ku tê fikirîn dema kuştina Hrant Dinkî wan xemsarî kiriye îro hatin dadkirin. Dadgeheka Stenbolê du bersûc tehliye kirin.

Qralîya Yekbûyî, da ku ji Yekîtîya Ewropayê cida bibe, bi wê re “Hevpeymana Brexitê” çêkiribû. Lê parlamentoyê red kiribû. Vê êvarê, parlamentoya Qralîya Yekbûyî dê ji bo paşdedana dema Brexitê dîsa dengan bide.

Parlamentoya Ewropayê bi pirdengî biryar girtiye ku ji ber binpêkirinên giran ên derbarê mafên mirovan de bila gotûbêjên di navbera Tirkiye û Yekîtiya Ewropayê (YE) de bên sekinandin.