Piştî ku YSKyê derbarê betalkirina hilbijartina Stenbolê de delîlên biryara xwe aşkere kiriye, hiqûqnasan û siyasetmedaran li ser hesabên xwe yên medyaya civakî, biryar nirxandine.

Lijneya Bilind a Hilbijartinan (YSK) eşkere kiriye ku delîlên betalkirina hilbijartina Şaredariya Bajarê Mezin a Stenbolê yek bi yek têrê nake ku hilbijartin pê bê betalkirin, lê belê dema li hemî delîlan bi hev re bê nêrîn divîya hilbijartin bihata betalkirin.

Dadgeha Destûrî, serlêdana Osman Kavala, Serokê Lijneya Rêveber ê Anadolû Kulturê, mafparêz û karsaz, qebûl nekiriye.

60 çalakvanan di dema Festîvala Filman a Cannesê qedexeya li ser kurtajê protesto kirine.

Daxwaza çûna girtîgeha vekirî ya Ayşe Duzkan, rojnamegera femînîst hatiye qebûlkirin. Düzkan li Girtîgeha Jinan a Bakirkoyê tê girtin.

Li gor nûçeyeka CNBCyê, Dewletên Yekbûyî yên Amerîkayê(DYA) ji ber kirîna fûzeyên S-400 yên Rûsyayê Tirkiye hişyar kiriye. DYAyê xwestiye Tirkiye sîstemên fûzeyan û fûzeyên Patriot bikire. Patriot fûzeyên Amerîkayê mne.

Parêzerên rêberê PKKyê(Partiya Karkerên Kurdistanê), Abdullah Ocalanî çûne girava Îmraliyê. Parêzeran ji beriya 20 rojan jî Ocalan dîtibû. Ji sala 2011ê ve bi tenê di van 20 rojan de parêzeran karine biçin hevdîtinê.

Filmên festîvalê wê li Sînemaya Kizilayê ya Buyulu Fener, Navenda Çandên Hemdem a Şaredariya Çankarayê û Muzexaneya Etnografyayê bên nîşandan.

Çerkezên li Stenbolê xwestine biçin ber deriyê Balyozxaneya Rûyayê, polîsan rê li wan girtiye. Li ser vê yekê çerkez li caddeya Meşrûtiyetê meşiyane.

Dadgehê di doza rojnameya Ozgur Gundemê ya ku nivîskar û rêveberên rojnameyê tên dadkirin de, cezayê girtinê li 7 kesan birî ye. Ji bo heşt bersûcan biryara beraetê hatiye dayîn.

Pêşangeha “Li Pey Şopa Zimanekî – Ji 1990î Heta Roja Me Di Qada Çandê de Têkoşîna Zimanê Dayikê” wê di navbera 23ê û 17ê Hezîrana 2019ê li Karşı Sanatê bê nîşandan. Pêşangeh armanc dike ku têkoşina zimanê dayikê ya li qada çandê ya li Tirkiyeyê nîşan bide.

Meha Gulanê meha zimanê kurdî ye. Şano jî ji bo zimên hunereka pir girîng e. Kerem bikin werin em bi hev re li şanogeha bi navê Şa Performansê binêrin.

Dadgeheke li Stenbolê, 2 sal û mehek cezayê girtinê li akademisyen Ayşe Gul Altinayê birî.

11 rojnameger û 2 xwendekarên beşa rojnamegeriyê beşdarî Kargeha Medyaya Nû ya Atolye Biayê bûne.

Hunermend Cemîl Qoçgirî wê li Maltepeya Stenbolê konsertekê bide. Di konserê de wê Erkan Ogûr jî derkeve ser dikê û çend stranan bibêje.

Karkerên Îtalyayê ji bo êrîşên Erebistana Siûdiyê yên li ser Yemenê protesto bikin, barê keştiyeka Erebistana Siûdiyê lê nekiriye.

Duh di saetên êvarê de sê kesan li navçeya Aksûyê ya Antalyayê êrîş birine ser rojnameger Ergîn Çevîk, Berpirsê Weşanê yê Giştî yê malpera Guney Haberciyê.

Şeva dî mêvanê bernameya Tarafsız Bölgeyê (Herêma Bêalî) Ekrem Îmamoglu bûye. Dema ku Îmamoglûyî behsa îsrafên Şaredariya Bajarê Mezin a Stenbolê dikir pêşkêşkarê bernameyê bername temam nekiriye û sekinandiye.

Li gorî daxuyaniya Baroya Rihayê, kesên piştî pevçûnê hatine desteserkirin, rastî îşkenceyê hatine.

Vladimir Zelenskiy, Serokdewletê nû yê Ûkraynayê piştî ku sond xwariye, biryara betalkirina parlamentoyê daye.