Li Dîlokê, di dema dawetekê de berbûyan, bi tiving û devançeyan gule berdane. Guleyeke ku ji tevançeyekê hatiye berdan, li zikê Huseyin Cennetê 12 salî ketiye.

HDP, KCD û HDKyê li Amedê daxuyaniyeke hevbeş daye. Hevserokê Giştî yê HDPyê Temelliyî gotiye, “Em bang li desthilatdariya siyasî û muxalefetê dikin ku li cihê polîtîkayên şer û pevçûnê, di polîtîkaya aştiyê de bibin xwedî aqilekî hevpar û bi pêş bixin”

Li navçeya Cizîrê ya Şirnexê, ji ber ku di dema qedexeya derketina derve de birîndar derman kirine, doktorek û wezîfedarên tenduristiyê hatine desteserkirin.

Li gorî rapora Meclîsa ISIGê, di meha Tîrmehê de 163 karker di dema karî de mirine. 6 ji va zarok bûne, 10 jê jin, 6 jî penaber.

Pismamê Vedat Ekinciyê 14 salî yê ku bi guleya leşkeran miriye, ji bianetê re got, “Dizanîbûn ku em gundî ne. Bang li ambulansê nekirin.”

Di daxuyaniya Walîtiya Colemêrgê de wiha hatiye gotin: “Ji ber ku herêm kert û kort e û gelek lat û zinar lê heye, gule pekiya ye. Di encamê de welatiyekî me birîndar bûye.”

Sait Dede, Parlamenterê HDPyê got, “Serê sibê ji gund 5 kes diçin, heman rojê vedigerin. Di rêya vegerê de leşker gule bera wan didin.”

Yekîtiya Niştimanî Kurdistanê (YNK) piştî koça dawî ya Celal Talabaniyî cara ewil dê kongreya xwe pêk bîne.

Wezareta Berevaniya Navxweyî ya DYAyê, yasaya ku dihêle 7 hezar penaberên sûriyeyî di bin “Statuya Parastina Demkî” de bimînin, ji bo 18 meh in din dirêj kiriye.

James Jeffrey, Nûnerê Taybet ê DYAyê yê Sûriyeyê gotiye, nelihevkirinên di navbera DYA û Tirkiyeyê de dibe asteng ku “herêma ewle” bê avakirin.

Koordînatora Însîyatîfa Em Hemû Koçber in Yildiz Onen, di derbarê dersînorkirina penaberan de ji bîanetê re axivî. Yildiz Onenê diyar kir ku kesên dixwazin piştgiriyê bidin Sûrîyeyîyan, divê dengê xwe bilindtir bikin.

Koordînasyona Heskîfê dîmenên Gola Bendava Germavê par ve kiriye. Di dîmenan de xuya dibe ku av di bendavê de kom dibe.

Li gorî daxuyaniya Walîtiya Stenbole penaberên ku ji bo navendên vegerandinê hatine şandin, wê bên dersînorkirin.

Ji ber sedema vegerandina sûrîyeyîyan saziyên civaka sivîl civînek pêk anî. Di civînê de nûnerên saziyan li ser bê hiquqîya vegerandina Sûrîyeyîyan sekinîn.

Serlêdanên ji bo Dibistana Medyayê ya Kaos GLyê dest pê kir. Dibistan wê di navbera 7 û 9ê Îlonê de bi sernavê “Ez bi xwe dikarim nûçeya xwe binivîsim.”

DYAyê aşkere kiriye ku wan Mihemed Cewad Zerîf, Wezîrê Karên Dervê yê Îranê xistiye nav lîsteya mueyîdeyan. Zerîfî bersiva DYAyê daye û gotiye wê bandora vê biryarê nebe.

Îsraîlê plana avakirina 6 hezar avahiyên nû li Şerîaya Rojava erê kiriye ku di bin dagirkeriya Îsraîlê de ye. Li gorî nûçeya rojnameya Haaretsê ji bo filistîniyan tenê destûra 715 avahiyan hatiye dayîn.

Ji hefteya borî heta niha li herêma Sîbirya û li rojhilatê wê daristan dişewite.

Duh, nîvê şevê bihayê xaza siruştî hatiye zêdekirin.

Belgefilma "Saklı Haç"ê behsa wan ermenan dike ku bi zorê bûne misilman. Piştî galaya li Amedê niha jî belgefilm wê li Stenbolê bê nîşandan.