Stranbêj Mem Ararat di 13ê Îlonê de dê li Şîşliya Stenbolê konserekê bide. Konserên Araratî beriya niha li Amed û Wanê hatibûn qedexekirin.

Dadgeha Destûrî di biryareke xwe de gotiye, polîsê ku di dema karkirina wî de tundkarî li rojnamegerî kiriye û bi vê jî mafê azadiya xweîfadekirina wî rojnamegerî binpê kiriye.

Melîke Aydin, nûçegihana Jinnewsê ji ber parvekirinên wê yên li ser medyaya civakî di meha Sibatê de li Aydinê hatibû desteserkirin. Paşê doz lê hatibû vekirin. Sal û 3 meh cezayê girtinê li Aydinê hatiye birîn.

Di doza JİTEMê ya Qoserê (Kiziltepe) de heyeta dadgehê biryara xwe aşkere kiriye. Li gorî vê biryarê dem di ser sûcên windakirina di dema desteserkirinê de û kuştina bêdad de derbas bûye û doz bi dawî bûye.

Transa girtî Mîray, li Zindana Tîpa Lyê ya Alanyayê girtî ye û ji ber di hicreya yekkesî de tê hiştin ketiye greva birçîbûnê. Mîray dixwaze ji hicreyê derkeve. Heke ku dazwaza wê pêk neyê, wê dest bi rojiya mirinê bike.

Li Amedê heyeta 11em Dadgeha Cezayê Giran biryar girtiye ku akademîsyenê aştîxwaz Suleyman Kizil, Mûrat Biricik û Fîkret Ûyar beraet bike. Li Stenbolê jî pênc akademîsyenan beraet kiriye.

Li New Yorkê di pêşbirka tenisê ya vekirî ya Amerîkayê de Rafael Nadal rikberê xwe Daniil Medvedev têk biriye û bûye şampîyon.

Di sala 2019-2020 sala nû ya perwerdeyê de wê zêdetirî 18 mîlyon xwendekar wê bixwînin. Zêdetirî milyonek mamoste jî wê li dibistanên gelemperî û taybet dersan bidin.

Li gorî rapora Meclîsa ISIGê 14 jê zarok, 12 jê jin, 11 jê penaber, li ser hev 148 karker mirine.

Weşanxaneya Nûbiharê pirtûka “Tarîxa Hesenkêfê” ya bi navê “Nuzhetu’n-Nazir we Rahetu’l-Xatir” çap kiriye. Pirtûk ji bo dîroka kurdan, di periyoda dîrokî ya navbera “Tarîxu Meyyafariqîn”a Îbnul-Ezreq û “Şerefname”ya Şerefxanê Bedlîsî de çavkaniyeke girîng e.

Dadgehê 9 sal û 8 meh cezayê girtinê li Canan Kaftancioglû, Seroka CHPya Stenbolê birî ye. Ceza nehatiye taloqkirin.

Strana rapbêj Ezhel a bi navê “Bûyer” (Olay) û ya bi pêşekiya rapbêj Şanişerî ya bi navê “Ez ê nikaribim bêdeng bimînim” (Susamam) hatiye gotin, di rojeva medyaya civakî de cihekî giring girtiye.

Îro li 30em DCGyê de Akademîsyen Ozlem Şendenîzê beraet kiriye.

Mêran di meha Tebaxê de ya kêm 40 jin kuştine, tunkdarî li 89 jinan kiriye. Herî hindik tecawiz li 6 jinan kiriye, karê seksê bi zorê li 42 jinan kiriye. Ya kêm îstismara cinsî li 19 zarokan û tacîz li 14 jinan kiriye.

Karker Taner Ûnlûyê ku li navçeya Çalê ya Denizliyê di kanaya mermeran de dixebitî di bin zinarekê de maye û miriye.

Li Xelfetiyê lêpirsîna ji ber îşkenceyê ya li polîsan encam nedaye lê ji ber ku fotografên îşkenceyê par ve kiriye doz li Hevberdevka HDKyê ya Enqerê Fatma Kilicarslanê hatiye vekirin.

Piştî ku Dadgeha Destûrî biryar da û got “mafên wan hatiye binpêkirin” danişîna yekem a Akademîsyenên Aştîxwaz li Edliyeya Stenbolê pêk hat.

Beriya biryara tayînkirina qeyûman bi çar rojan lêpirsînname ji bo Ahmet Turk, Hevşaredarê Bajarê Mezin ê Mêrdînê hatiye amadekirin.

Destana Mem û Zînê piştî 5 salan wê careke din ji hêla Şanoya Bajêr a Amedê bi aweyekî muzîkal were lîstin.

Serokomar Erdoganî gotiye: "Em mecbûr bibin em ê deriyan vekin. Ev bar wê tenê li ser pişta me be?"