Li DYAyê piştî kuştina George Floydê afro amerîkayî ya ji aliyê polîsan ve, lêpirsîname hatibû amadekirin. Di çarçoveya wê lêpirsînameyê de biryara girtina 3 polîsan hatiye stendin.

2 hezar û 607 fîlman serî li festîvala Cannesê dane û ji van 56 hatine hilbijartin. Rêveberiya Festîvalê aşkere kiriye ku 532 serlêder jin bûne û wê di nava fîlmên bên nişandan de 16 filmên derhênerên jin hebin.

Ruhsar Pekcan, Wezîra Bazirganiyê diyar kiriye ku deriyê sînorî yê di navbera Herêma Kurdistanê û Tirkiyeyê de û yê di navbera Îran û Tirkiyeyê de hatine vekirin.

Li Tirkiyeyê duh 24 kes mirine û nexweşî li 867 kesên din peyda bûye.

Başak Demîrtaşê li ser hesabê xwe yê Twitterê aşkere kiriye ku nameya Selahattîn Demîrtaşî hatiye sansurkirin. Selahattîn Demirtaş, Hevsekorê Giştî yê berê yê Partiya Demokratîk a Gelan (HDP), li Girtîgeha Edîrneyê girtî ye.

Bi pêşekiya derhêner Shermin Langhoff û Fatih Akinî, “Hunermendên Yekgirtî yên ji bo Osman Kavalayî” daxwaza serbestiya Kavalayî kirine.

Li tevahiya cîhanê heta niha 6 milyon û 452 hezar û 703 kes bi Covid-19ê ketine. Zêdetirî 3 mîlyon nexweş jî filitîne.

Li Parîsê xwepêşandanek ji bo Adama Traoreyê ku ji aliyê polîsan ve hatibû kuştin, pêk hatiye. Di xwepêşandanê de kuştina George Floydî jî hatiye protesto kirin.

Li Herêma Kurdistanê hejmara kesên bi vîrusa Covîd-19ê mirine bi zêdebûna 7 kesan ve gihaştiye 14an.

Mêran di meha Gulanê de tundkarî herî hindik li 46 jinan kiriye, zarokek kuştine. Istismara cinsî li heşt zarokan kiriye, herî hindik tacîz li heşt jinan kiriye. Bi darê zorê karê sekse bi du jinan dane kirin.

Walîtîya Bîtlîsê diyar kiriye ku li 9 gund û gundikan heta fermaneke din derketina derve qedexe ye.

Li Tirkiyeyê duh 22 kes mirine û nexweşî li 786 kesên din peyda bûye.

Festîvala Fîlmên Jinan-Fîlmmor wê bi temaya "Sinemaya Mafparêz" pêk bê û di festîvalê de li gel peşkeşkirina fîlman wê hevpeyvîn, atolye, panel û hevdîtinên onlineyî jî hebin.

Li tevahiya cîhanê hejmara kesên ku şewba vîrusa koronayê (Covîd-19) ketine ji 6 milyon û 384 hezarî derbas bûye.

6 rêxistinên mafparêz yên ser bi Platforma Hevpar a Mafên Mirovan têkildarî gefên dawîn ên li dijî Weqfa Hrant Dinkî û Rakel Dinkê daxuyanî dane û gotine: "Divê paşxaneya van gefan bên aşkere kirin û divê bên cezakirin "

Koçerên Amed, Mêrdîn û hin bajarên din, piştî ku hewa germ bû ji bo ajalên xwe bibin zozanan dest bi amadekariyan kirine û ber bi zozana Şênê ya Mûşê bi rê ketine.

Mor Çatiyê videoyek amadekiriye ku pê bal kişandiye ser tundkariya "îzolasyonê" ya mêran a li jinan dikin.

Piştî Grup Yorumê diyar kiribû ku ji bo li Yenikapiyê konserekê pêk bînin wan destur wergirtiye, Walîtiya Stenbolê aşkere kiriye ku wan destûr nedaye konsere.

Piştî ku Serdozgeriya Komarî a Rojavaya Enqereyê lêpirsin dabû destpêkirin, 3 kes bi gumana Bariş Çakan kuştine hatine desteserkirin Piştî ku îfadeyên gumanbaran hatine girtin ew şandine Dadgeha Ceza û Silh a Nobedar. Dadgehê biryara girtina wan daye.

Ji ber ku cara duyeme ji Weqfa Hrant Dînkî re peyama gefxwarinê tê şandin lêpirsîn hatibû destpêkirin. Di encama lêpirsînê de kesek hatiye desteserkirin. Di lêpirsîna derbarê gefa yekem de jî kesek hatibû desteserkirin.