Hejmara duyemîn a Kovara Bernamegehê ya edebî, hunerî, çandî û civakî çap bûye. Kova bi awayê dijîtal çê weşandin.

Li gorî rapora xweîfadekirinê ya TİHVê di 8 mehên destpêkê yên îsal de herî kêm 24 kes bi îddaya “heqaret li Serokomarî kirîye” hatine desteserkirin. 3 kes bi heman îddayê hatine girtin û derbarê kesekî de jî lêpirsîn hatîye amadekirin.

Di roja yekem a hefteyê de dolarekî amerîkî ji 8 lîreyê tirkan zêdetir bûye. Euroyek jî bûye 9,50 lîreyê tirkan.

DYAyê aşkere kiriye ku Azerbeycan û Ermenistanê ji bo agirbesta mirovî li hev kirine. Agirbest 26ê Çiriya Pêşiyê saet ji 08.00ê dest pê kiriye.

Li Tirkiyeyê heta niha 361 hezar û 801 kes bi Covîd-19ê ketine û 9 hezar û 799 kes jî pê mirine

Wezareta Tenduristiyê ya Herêma Kurdistanê ragihandiye, ku di 24 saetên dawin de hezar û 53 kes bi Covîd-19ê ketine û 20 kes jî pê mirine.

Komisyona Girtîgehan a ÎHDya Stenbolê rapora xwe ya 3 mehan a derbarê binpêkirinên mafan li girtîgehên herêma Marmarayê aşkere kiriye. Li gorî vê raporê di sê mehan de 786 caran maf hatine binpêkirin.

Vladîmîr Pûtin, Serokê Rûsyayê derbarê Qerebaxê de daxuyani daye û gotiye, nêrinên me û Tirkiyeyê têkildarî herêma ku şer lê didome ji hev cûda ne. Pûtînî diyar kiriye, di şer û pevçûnan de nêzîkî 5 hezar kesî mirine.

Fahrettîn Koca, Wezîrê Tenduristiyê gotiye ku şewba vîrusa koronayê li hemû welêt dîsa zêde dibe.

M. H., kurxalê Hûrîhî yê ku hatiye kuştin gotiye, “Ew kesên ku hatine desteserkirin ne Sûriyeyî ne. Hemwelatiyê Tirkiyeyê ne. Jixwe çeka rehmetî tune bû. Polîsan serî îfadeya malbata me dan. Ji bo ku em dozê bi şopînin pêwîstiya me bi parêzer û piştgiriya hiqûqî heye”

Saziya Teknolojiyên Zanistê û Ragihandinê (BTK) malpera JinNewsê ya bi navnîşana “jinnews8.xyz” asteng kiriye.

Li navçeya Basayê ya Şirnexê, DEDAŞê bi sedema nedayîna fatûreyan av û elektrîka 13 gundan qut kiriye. Mehmet Erbey, Endamê Meclîsa Şaredariyê yê HDPyê derbarê mijarê de gotiye: “Ger em van 13 gundan bifiroşin jî, gundî wê nikaribin van fatûreyan bidin.”