Wezareta Tenduristiyê aşkere kiriye ku di 24 saetan de test ji bo 139 hezar û 378 kesan hatine kirin û di encamê de testa 8 hezar û 103 kesan pozîtîf derketiye. Her hewa 103 kes jî mirine.

Hejmara 11em a Kovara Zrîngê derketiye ku kovarê di berga xwe de bal kişandiye ser 21ê Sibatê Roja Zimanê Zikmakî yê Cîhanê û polîtîkayên tunekirin û tunehesibandina zimanê kurdî.

Beşek ji qeşaya Hîmalaya ketiye bendavê û di encamê de lehî rabûye û 19 kes mirine. Li gorî raporên dawî ji ber germbûna kurewî di 23 salan de 28 trîlyon qeşayî heliyaye.

Dozgeriyê nêrîna xwe ya derbarê biryara Dadgeha Destûrî ya ji bo Enîs Berberoglûyî de pêşkêşî 14em Dadgeha Cezayê Giran a Stenbolê kiriye. Dozgeriyê xwestiye ku Berberoglû heyeta dadgehê biryara Dadgeha Destûrî qebûl bike û dadgehkirina wî bide sekinandin.

Li gorî daxuyaniya wezaretê, di dema qedexeya derketina derve de li 81 bajaran, ceza li 32 hezar û 181 kesî birine.

61 kesên ku li Kadikoyê him ji bo piştgiriyê bidin xwenîşandanên Bogaziçiyê û him jî ji bo avakirina Hêzên Têkoşîna Yekgirtî ragihînin hatibûn ba hev û polîsan ew desteser kiribûn, vê sibê birine edliyeyê.

Wezareta Tenduristiyê aşkere kiriye ku di 24 saetan de test ji bo 129 hezar û 715 kesan hatine kirin û di encamê de testa 6 hezar û 670 kesan pozîtîf derketiye. Her hewa 112 kes jî mirine.

Beyza Buldaga ku bi îdiaya li Twîtterê hesabê @boundayanismayê birêvedibe hatibû desteserkirin, bi tohmetên “dijminahî û kîn û nefretê di nava gel de belav kiriye û ji bo pêkanîna sûc tehrîk kiriye” hatiye girtin.

E-Kitêba Rojnamegeriya Kurdî a Dijîtal di encama Kargeha Rojnamegeriya Kurdî ya Dijîtal de bi edîtoriya Mûrat Bayram derket.

36em Dadgeha Cezayê Giran a Stenbolê digel parastina parêzeran û îfadeyên şahidan, daxwaza azadkirina Kavalayî qebûl nekir. Dosyeya Kavalayî û ya doza Geziyê kir yek dosye.

Wezareta Karên Derve ya DYAyê bersiva gotinên Suleyman Soylû, Wezîrê Navxweyî yên têkildarî hewldana darbeya 15ê Tîrmehê daye.

Osman Gudu, bernameçêkerê KRT TVyê dema ji ofîsa xwe ya li Kartala Stenbolê derdiket, kesekî êrîşî wî kiriye. Neh kêl avêtine serê Guduyî.

Twîtterê, ji ber gotinên Devlet Bahçelî, serokê MHPê yên ku ji bo xwendekarên Zanîngeha Bogazîçiyê bikaranîbû, tweeta wî asteng kiriye.

Ji 23 kesên ku piştî li dozgeriyê îfade dan û derketin pêşberî heyeta dadgehê, 2 kes di derengê şevê de hatine girtin. Heyetê cezayê zindanîkirina li malê daye 14 kesan. Ji bo 7 kesan jî biryara qedexeya derketina derveyî Tirkiyeyê daye.

Wezareta Tenduristiyê aşkere kiriye ku di 24 saetan de test ji bo 145 hezar û 067 kesan hatine kirin û di encamê de testa 7 hezar û 909 kesan pozîtîf derketiye. Her hewa 113 kes jî mirine.

Serjimara Tirkiyeyê ya 2020an li gorî sala 2019an 459 hezar û 365 kes zêde bûye û 83 milyon û 614 hezar û 362.

Fîlma bi navê Mank a derhêner Davîd Fincher di nav berendamên Kada Zêrîn de di şeş beşan de bûye berendam. Di beşa derhênerên her baş de ji 5 berendaman sê jê jin in.

Komxebata Li Tirkiyeyê Pirzimanî û Mafên Zimanan li ser kanala YouTube-ê ya Çandên Tirkiyeyê hatiye weşandin. Komxebat bi beşdariya akademîsyen, zimanzan û nûnerên rêxistinên sivîl pêk hatibû.

Zanyarên navdar yên wek Judith Butler û Noam Chomsky jî di nav de 3 hezar 317 zanyar û akamîsyenan metneke piştgiriyê ji bo xwendekarên Bogazîçiyê belavkirine. Zanyaran di metna piştgiriyê de destnîşan kirine ku divê hukumeta AKPê rêz li xweseriya zanîngehê bigire û Melîh Bûlûyî jî dest ji kar bikişîne.

Ji 51 xwendekarên ku roja duşemê li ber avahiya rektoriyê ya Zanîngeha Bogaziçiyê polîsan ew desteser kiribûn, 30 ji wan serbest bûne.