Biroya Hiqûqê a Sedsalê, serî li Wezareta Dadê, Midûriyeta Giştî ya Girtîgehan û Serokatiya Beşa Mafên Mirovan daye û xwestiye rê li ber wan vebe ku bikaribin agahiyê ji Ocalan û miwekilên xwe yên din bistînin û hevdîtinê bi wan re bikin.

Komîsyona Jinan a Şaxa Amedê ya ÎHDê ragihandiye ku di encama tûndkariya mêran de li Amedê û bajarên derdora wê di nav 10 mehan de 30 jin hatine kuştin, 37 jin jî bi awayekî biguman mirî hatine dîtin, 19 jinan jî xwe kuştine.

Ji ber ku bihayê lîreyê tirkan li beramberî pereyên din kêm bûye, li Stenbol û çendîn bajarên din xwenîşandan pêk hatine. Xwepêşanderan sloganên “Hikûmet bila dest ji wezîfeyê berde” berz kirine. Li Stenbolê 57 kes desteser kirine.

Wezareta Tenduristiyê aşkere kiriye ku di 24 saetan de test ji bo 364 hezar û 351 kesan hatine kirin û di encamê de testa 27 hezar û 592 kesan pozîtîf derketiye, 175 kes pê mirine.

Di gel daxwaza guherîna heyetê, dadgehê danişîna dozê berdewam kiriye û daxwaza gilîkirinê ya derbarê karmendên dewletê de jî qebûl nekiriye. Polîsan êrişî Dayîkên/Mirovên Şemiyê kiribûn.

Doza kuştina Mûsa Anterî li 6em Dadgeha Cezayê Giran a Enqereyê dewam kiriye. Heyeta dadgehê biryar daye ku dadgehkirin piştî 4 mehan dewam bike.

Dîcle Anter, kurê Mûsa Anter pêş danişîna doza bavê xwe weha got: “Dibêjin ku amûrên herî teknîk, herî baş yên cîhanê bi me re ne. Me bi firokeyên bê mirov(IHA û SIHA) qonaxeke nû vekir, em vê dikin û wê dikin. Van tiştan dibêjin, lê bila wê demê Yeşîl jî derxin holê. Ma ji bo dewletê gelekî zihmete derxe hole ku ‘Yeşîl’î sax e an miriye.”

“Poz” wê roja 10ê Kanûna Pêşiyê li Zanîngeha Şirnexê û 24ê Kanûna Pêşiyê jî wê li Zanîngeha Dîcleyê were lîstin.

Selahattîn Demîrtaş, Hevserokê Giştî yê berê yê Partîya Demokratîk a Gelan(HDP) bang li muxalefetê kirîye ku mîtîngên hevpar çêbikin û banga îstifayê li hikûmetê bikin.

Rojnameger Emrûllah Acarê ku ji 19ê Çiriya Paşiyê û vir ve desteserkirî bû, bi “endambûna rêxistinê” dihate tohmetkirin.

Wezareta Karûbarên Hundir, ji ber biryarên cidaxwaz ên derbarê penaberan de wergirtine, wê lêpirsîna Şaredariya Bolûyê bike.

Mêran di navbera 1ê Kanûna Paşiyê ya 2021an û 23ê Çiriya Paşiyê ya 2021an de ango di nava 326 rojan de herî hindik 285 jin kuşine, tundkarî herî hindik li 711 jinan kirine.

Polîs û cendermeyan li Licê, navçeya Amedê, nûçegîhana Jin Newsê, Derya Ren û ya Ajansa Mezopotamyayê, Eylem Akdagê asteng kirine û derb li wan dane. Rojnamegeran li Liceyê bernameya jinan a li ser goristanê dişopandin.

Wezareta Tenduristiyê aşkere kiriye ku di 24 saetan de test ji bo 365 hezar û 412 kesan hatine kirin û di encamê de testa 28 hezar û 170 kesan pozîtîf derketiye, 208 kes pê mirine.

Dadgehê ji ber ku bi wesayita zirxkirî pê li Şahîn Onerê 19 salî kiriye û ew kuştiye, polîs bi 4 sal û 5 meh û 10 roj cezayê girtîgehê ceza kiriye.

Berhevkar Ayhan Erkmenî li ser çîroka Parlamenter Hesen Xêrî Begî vîdeo 12 deqîqeyan amade kiriye. Hesen Xêrî Beg bi sedema “Serhildana Şêx Seîdî”, di 23ê Çiriya Paşiyê ya 1925an de li Elezîzê hatiye darvekirin.

DMMEyê ji bo serlêdana 427 dadger û dozgerên ku di sûcê “FETO”yê de hatine girtin biryar daye ku mafên wan hatiye binpêkirin. DMMEyê ji ber vê yekê bi 2 mîlyon û 135 hezar Euroyî tezmînat li Tirkiyeyê biriye.

Dayikên/Mirovên Şemîyê wê di 24ê Çiriya Paşîyê de careke din werin dadgehkirin.

Serokomar Erdoganî gotiye: “Yaw wê hilbijartina pêşwext nebe, Hezîrana 2023yan! Ev nizanin bi kê re dimeşin, ew çû. Ew roj derbas bûn. Karê qebîleyên hov e ku her ji 15-20 mehan carekê hilbijartinekê li dar bixe.”

Ji bo parêzbendiya wan rabe derbarê 13 parlementerên HDPê de 16 fezlekê amade kirine. Fezlekeyên parêzbendiyê pêşkeşî Serokatiya Meclîsê kirin e.