Nils Muižnieks, Dîrektorê Ofîsa Ewropayê ya Rêxistina Efûyê ya Navnetewî gotiye: “Tekane biryara baş ew e ku wê îro li danişînê bê dayîn, divê dadgeh vê bêdadiyê ji holê rake û ya rast bike û Osman Kavalayî azad bike.”

Polîsan li ser rêya Cizîrê wesayita ku Zeynep Durgut û Azad Kaya, nûçegihanên Ajansa Mezopotamyayê, Rojda Aydin û Derya Şen, nûçegihanên Jinnewsê tê de bûn sekinandiye û Durgut testeser kiriye.

Wezareta Tenduristiyê aşkere kiriye ku di 24 saetan de test ji bo 206 hezar û 102 kesan hatine kirin û di encamê de testa 27 hezar û 515 kesan pozîtîf derketiye. Her hewa 243 kes jî mirine.

Sendîkaya Rojnamegeran a Tirkiyeyê(TGS) peymana bi Tevna Ragihandina Serbixwe(bianet) re nû kir.

Hakan Bakircioglû, parêzerê malbata Dinkî got, du rojên ku dadgehê ji bo amadekirina parastinê diyar kiriye, têrê nake û ew ê parastinê neke. Piştî parastina bersûcan heyeta dadgehê biryar daye ku dadgehkirin di 22yê Kanûna Pêşiyê de dewam bike.

Encama testa Covîd-19ê ya Emmanûel Macron, Serokomarê Fransayê pozîtîf derketiye.

Emîne Şenyaşar û kurê wê Ferît Şenyaşara ku li ber avahiya AKPyâ Rihayê çalakiya rûniştinê li dar xistibûn, hatibûn desteserikrin. Emîne û Ferît Şenyaşar bi şertê kontrola edlî serbest bûne.

Şirketa YouTube-ê daxuyandiye ku ew ê li Tirkiyeyê nûnerekî/e qanûnî aşkere bikin û nûnerê wan wê dest bi wezîfeyê bike.

Walîtiya Colemêrgê biryar daye û aşkere kiriye ku heta 15 rojan hemû çalakiyên weke xwenîşandan, mitîng, civînên li cihên vekirî û yên weke wan hatine qedexekirin.

Wezareta Tenduristiyê aşkere kiriye ku di 24 saetan de test ji bo 205 hezar û 397 kesan hatine kirin û di encamê de testa 29 hezar û 718 kesan pozîtîf derketiye. Her hewa 240 kes jî mirine.

Komeleya Lêkolînên Kurdî(Enstîtuya Kurdî ya Stenbolê), li ser Youtubeyê dest bi perwerdeya Kurdî kiriye.

Li gorî rapora Komîteya Parastinê ya Rojnamegeran(CPJ) li tevahîya cîhanê herî kêm 274 rojnameger ji ber çalakiyên xwe yên pîşeyî di girtîgehan de ne.

ÎHD û OHDyê bal kişandine ser rewşa Abdûllah Tûran, girtiyê nexweş û xwestine Tûran demildest serbest bibe. Herdu sazî ew ê giliyê wan kesan bikin ku li pêş dermankirina Tûranî bûne asteng.

Fona Alîkariya bi Zarokan a Neteweyên Yekgirtî (UNICEF) aşkere kiriye ku ji meha Çiriya Paşiyê û vir de li Etipoypayê ji ber şerê li eyaleta Tigrayê, 2,3 milyon zarok nikarin alîkariyê bidest bixin.

Serdozgeriya Komarî ya Dadgeha Bilind xwestiye cezayê miebeta girankirî yê li Ozgur Arduç, kujerê Ceren Ozdemirê hatiye birîn were qebûlkirin.

Wezareta Tenduristiyê aşkere kiriye ku di 24 saetan de test ji bo 206 hezar û 190 kesan hatine kirin û di encamê de testa 32 hezar û 102 kesan pozîtîf derketiye. Her hewa 235 kes jî mirine.

Heyeta dadgehê doza Înan Kizilkaya, Can Dundar, Huseyîn Aykol, Zana Kaya Hatîp Dîcleyî taloq kiriye.

Wezareta Tenduristiyê ya Herêma Kurdistanê ragihandiye, ku di 24 saetên dawin de 222 kes bi Covîd-19ê ketine û 3 kes jî pê mirine.

Lijneya Hilbijêran seroktiya Joe Bidenî bi awayekî fermî aşkere kiriye.

TTByê destnîşan kiriye û gotiye, “Dr. Şeyhmûs Gokalp, endamê Lijneya Rûmetê ya Bilind ya me bêsûce, em li gel têkoşîna wî ya mafdar in. Girtina Gokalpî bêhiqûqiye, divê demildest bê berdan û weke negirtî bê dadgehkirin.”