Di raporê de hat diyarkirin ku li aliyê rastê yê qefesa sîng 7 û li aliyê çepê jî 4, bi giştî di 11 parsûyan de şikestin û jicihderketin hatine tespîtkirin.

Şanoya Bajêr a Şaredariya Bajarê Mezin a Amedê, ragihand ku ew ê sibê perdeya xwe bi lîstika “Moraşîn” vekin. Hezkiriyên şanoyê dê di tevahiya mehê de bikaribin lîstikên cûr bi cûr temaşe bikin.

TGS, DİSK Basın-İş, Konseya Çapemeniyê û IPI jî di nav de 13 rêxistinên pîşeyî yên çapemeniyê, sansûra li ser T24ê wekî "êrişeke giran a li ser pîşeyê" bi nav kirin. Rêxistinan diyar kir ku "biryara girtinê ya ji aliyê desthilatê ve binpêkirineke pir giran a li dijî azadiya çapemenî û derbirînê ye."

Tevî şert û mercên girtîgehê û pirsgirêkên wê yên tenduristiyê jî Durak di hilberînê de berdewam e. Lêbelê Dûrak bi xetereya windakirina dengê xwe re rû bi rû ye.

Erka Hevpeymaniya Navneteweyî ya ku li dijî DAIŞê di Îlona 2014an de hatibû damezirandin, bi dawî bû. Washington îdia dike ku hêzên Iraqê û Pêşmerge gihiştine asteke ku dikarin bi tena serê xwe li dijî gefa DAIŞê têbikoşin.

Di çarçoveya operasyonê de li mala Vahap Seçer jî lêgerîn hat kirin. Lêpirsîn, ji bo "îhale û gendeltiyên" li şaredariyan de tê meşandin.

Li gorî daxuyaniya Serdozgeriya Stenbolê, ev biryar di çarçoveya lêpirsîna bi navê "Malbata min ewle ye" de hatiye dayîn.

Di pirtûkê de helbesta Kurdî ya nûjen, rola wê di parastina bîr, nasname û zimanê Kurdî de û têkiliya wê ya bi rabirdû û dahatûyê re tê nirxandin.

Mesûd Barzanî li ser bidawîhatina erkê hêzên Hevpeymaniya Navneteweyî ya li Dijî DAIŞê (Koalîsyon) ya li Îraq û Herêma Kurdistanê peyamek belav kir.

Serokê Berdevkên Pentagonê Sean Parnell daxuyaniyek belav kir û tê de bidawîhatina fermî ya erkê leşkerî ya Koalîsyona Navdewletî ya li dijî DAIŞê ya li Îraqê ragihand.

Encûmena Ewlekariya Neteweyî (MGK) îro di serokatiya Serokkomar Erdoğan de li Beştepe dicive.

Abdullah Ocalan ji Konferansa Aştî û Entegrasyona Demokratîk a Îngilistanê re peyam şand û diyar kir ku entegrasyon berovajî asîmîlasyonê ye û wiha got: "Eger pêvajo bi peymanên qanûnî neyê misogerkirin, ew dê tenê wekî agirbesteke demkurt bimîne. Aştiya mayînde ew e ku siyaseta demokratîk li jiyana rojane, tax, bajar û saziyan belav bibe."

Li gorî rapora “Binpêkirina mafê jiyanê yê zarokan li Tirkiyeyê” ya Navenda Mafên Zarokan a FİSAyê, di mehên havînê de herî kêm 239 zarok mirine ku pêşî li sedemên mirinê dikaribû bihata girtin.

Di operasyona ku navenda wê Kirikkale ye û li 4 bajaran li dijî Şaredariya Yahşihanê hat kirin de 35 kesên hatibûn desteserkirin. Ji wan 15 kes hatin girtin.

Bi tohmeta ku "propagandaya rêxistinê kiriye" dozeke nû li rojnameger Oznur Degerê hat vekirin. Her weha nûçeyên ku Oznurê li ser hesabê xwe yê medyaya civakî yê astengkirî parve kirine wekî sedem hatine nîşandan.

Komedyen Deniz Goktaş, ji ber gotinên xwe yên di nîşandana stand-upê de bi sê sûcên cuda dihat darizandin. Dozger ji bo her sê sûcan jî ceza xwest lê tevî vê yekê jî daxwaza tehliyeyê kir. Dadgehê biryara xwe eşkere kir û Goktaş serbest berda.

Li Osmaniyeyê dersdêrê ku di hewşa Lîseya Farabi Anadoluyê de rastî êrişa çekdarî hat li nexweşxaneyê can da. Derbarê êrişê de kesek hat desteserkirin.

Hat diyar kirin ku li navçeya Tuşbayê ya Wanê zarokekî ku di pola 7an de dixwîne bi tifinga pompeyî çûye dibistanê. Tifing ji aliyê kesên derdorê ve ji zarok hat stendin û derbarê bûyerê de lêpirsîn hat destpêkirin.

Di çarçoveya lêpirsîna fonê ya derbarê Banka Destek Yatirim û Ozata Denizcilikê de 7 kes hatin desteserkirin.

Yek ji endamên damazrîner ên koma Massive Attackê Robert Del Naja, li bajêrê Liverpool ê Îngilistanê bi hinceta ku pankarta bi nivîsa “Ez li dijî qirkirinê me, ez pişgtevaniya Palestine Actionê dikim” hilgirtiye hat desteserkirin.