Ji ber ku li gelek bajaran Waliyan bi sedema tedbîrên Covid-19ê qedexe kiriye, pîrozbahiyên 1ê Gulanê îro hatiye pîrozkirin. Polîsan li Enqede û Îzmîrê midaxele li pîrozbahiyan kiriye.

Dadgeha Bilind, 4 sal û 8 meh cezayê girtîgehê yê li Selahattîn Demîrtaş, Hevserokê Giştî yê HDPê yê berê hatibû birîn, pesend kiriye.

12em Festîvala Fîlmên Kurdî a Londonê ku di navbera 16-27ê Nîsanê de bi awayekî online pêk hatibû, bi merasimekê xelatdayînê bi dawî bûye. "Hewno Bêreng"a derhêner Mehmet Alî Konar xelata Fîlmê Herî Serkeftî ya RojaZer bi dest xistiye.

Dadgeha Destûra Bingehîn biryara xwe ya derbarê serlêdana Erdal Sarikayayî de daye ku Sarikaya di dema berxwedana Geziyê de bi guleya gazê birîndar bûbû. Dadgehê biryar daye ku ji bo lêpirsîna polîsan bikin, dosyayê bişîne dozgeriyê.

Akarselê behsa kovara Roza, Jûjin û Jin û Jiyanê kir ku di destpêka salên 1990ê de dest bi weşana xwe kirine. Nagîhan Akarselê diyar kir ku ev kovar di encama xebatên Koma Jinên Kurd a Serbixwe de çap bûne.

Di bernameya 1ê Gulanê ya DÎSKê de danasîna pirtûka biaentê ya derbarê 1ê Gulana 1977ê de, hejmara taybet a 1ê Gulanê ya LeMAnê û strana 1ê Gulanê hate kirin.

Wezareta Berevaniya Netewî aşkere kiriye ku di dema operasyona leşkeri ya bakurê Iraqê de Hûsamettîn Gokçe, serleşkerê pispor miriye.

Wezareta Tenduristiyê aşkere kiriye ku di 24 saetan de test ji bo 283 hezar û 261 kesan hatine kirin û di encamê de testa 40 hezar û 444 kesan pozîtîf derketiye. Her hewa 341 kes jî mirine.

Şaxê Stenbolê yê IHDyê rapora xwe ya sê mehan a derbarê girtîgehên li herêma Marmarayê de aşkere kiriye. Li gorî vê raporê “bi bahaneya şewbê hemû mafên civakî betal kirine û şertên tecrîd û îzolasyonê girantir kirine.”

Li Fransayê saziyeke ser bi Wezareta Navxweyî gotiye, Ajansa Anadolûyê nûçeyên nerast çêdike û ajans weke navendeke propagandayê binavkiriye.

Di lêpirsîna derbarê erdheja Îzmîrê de piştî rapora zanayan biryara desteserkirina 22 kesan hatiye dayîn. Di erdeheja Îzmîrê de 117 kesan can dabûn.

Weşanxaneya Aramê piştî 54 salan careke din Ferhenga Kurdî-Tirkî ya Apê Mûsayî ango Mûsa Anterî çap kiriye. Weşanxaneyê tevlî ferhengê hemû pirtûkên Mûsa Anterî di cildekê de kom kiriye.

Dadweriya Înfazê sansura nameya parêzer Gokoglû ya ku "polîsan îşkence kiriye û dadweran ev îşkence weke sûc nedîtiye" nirxandiye û biryar daye ku "Di Destûra Bingehîn de azadiya ragihandinê hatiye binpêkirin."

Beriya niha ji ber ku li derveyî Tirkiyeyê bûn ya Can Dundar û Mehmet Alî Alaborayî jî di nav de dadgehê di doza Geziyêde biryara dadgehkirineke cida ji bo 7 kesan dabû. Lê piştî biryara Dadgeha Îstînafê wê heman kes bi hev re werin dadgehkirin.

Li Kutahyayê laşê zarokekî 8 salî li hewdê avê de hatiye dîtin. Beriya niha li bajarên cida 5 zarok di cihokên avê de fetisîbûn.

IHDyê daxwaz kiriye ku li gorî Xala 106 û 216ê ya TCKyê û Xala 14ê ya PMMEyê dozê li Umît Ozdagî vekin.

Wezareta Tenduristiyê aşkere kiriye ku di 24 saetan de test ji bo 282 hezar û 192 kesan hatine kirin û di encamê de testa 43 hezar û 301 kesan pozîtîf derketiye. Her hewa 346 kes jî mirine.

Pervîn Bûldan, Hevseroka Giştî ya HDPê têkildarî tedbîrên nû yên ku duh hatibû aşkere kirin gotiye, “Ew ê cejna reş bi gel bidin jiyîn. Esnafan ji bo cejnê amadekarî kiribû. Niha ew bêçarene ku derebeyên xwe dabixin.”

Parêzerên doza Kobaniyê di daxuyaniye xwe de gotiye, wan bang li dadgehê kiriye da ku serbixwe be lê li beramberî vê bangê heyeta dadgehê derî nîşanî wan daye.

Serdozgeriyê ji ber vê daxuyaniyê bi tohmeta ku “Gelê Tirk, Dewleta Komara Tirkiyeyê, sazî û dezgehên dewletê biçûk xistiye” lêpirsîna Serokê Baroyê û endamên lijneya rêveber a baroyê kiriye.