Wezareta Tenduristiyê aşkere kiriye ku di 24 saetan de test ji bo 226 hezar û 452 kesan hatine kirin û di encamê de testa 14 hezar û 497 kesan pozîtîf derketiye. Her hewa 278 kes jî mirine.

Parlamenterên jin yên HDPê bi boneya salvegera îmzekirina Peymana Stenbolê pankartek bi sûrên Amedê ve danîne. Ayşe Acar Başaran, Berdevka Meclîsa Jinan a HDPê gotiye, “jinan gotina xwe ya dawî negotiye û peyman di pratîkê de ye û dê dev ji Peymanê bernedin.”

Suleyman Soylû, Wezîrê Karûbarên Navxweyî ji ber nûçeyeke wê, gef li rojnameya Cumhuriyetê xwariye û gotiye “Tirkiye ne Tirkiyeya berê ye.” Rojnameyê fotografê Arif Çetin, Fermandarê Giştî yê Cendermeyan ê bi Tolga Agar û serokê koma mafyayê, Selahattin Yilmazî re weşandibû.

Rêxistinên jinan ji bo 10 saliya Peymana Stenbolê banga çalakiyan dikin. Koma Kampanyayê ya Peymana Stenbolê jî gotiye, “Em ê 1ê Tîrmehê derkevin kolanan û em serî natewînin.”

Neteweyên Yekbûyî di rapora xwe ya nû de gotiye, “Kiryarên DAIŞê yên li dijî êzidiyan komkujî ye.”

FEMENê li Almanyayê, li 40 cihên cida afîş daliqandiye û gotiye ku bila Peymana Stenbolê bicih bînin.

Balafirên Îsraîlê, li herêmên başûrên Gazzeyê êrişên hewayî pêkanîne. Hatiye ragihandin ku jê 9 zarok 20 felestînî mirine.

Wezareta Tenduristiyê aşkere kiriye ku di 24 saetan de test ji bo 213 hezar û 863 kesan hatine kirin û di encamê de testa 13 hezar û 604 kesan pozîtîf derketiye. Her hewa 282 kes jî mirine.

Mûsa Pîroglû, li avahiya Stenbolê ya HDPê civîna çapemeniyê pêkaniye û gotiye, bi pandemiyê re astengdar bi qonexekî herî giran re rû bi rû mane.

Piştî bi biryara Serokomarî, Tirkiyeyê ji Peymana Stenbolê derket, heta niha çalakiyên protestoyî yên jinan dewam dikin. Di nava van jinan de penaberên jin jî hene. Lewma Peymana Stenbolê ewlehiya jiyana penaber jin û zarokanên tundkarî li wan tê kirin.

Li Qudsê, di sêyem roja pevçûnên di navbera filistînî û leşkerên îsraîlî de gelek kes birîndar bûne.

Mehmet Oncuyî di romana xwe de behsa raperîna Babaiyan a bi serpereştiya Baba Îshaqî ve pêk hatiye vegotiye. Ew raperîn e ku di demeke kurt de desthilatdariya Selçûkiyan hejandiye û bandoreke mezin li ser civakê kiriye.

Parêzerên qurbaniyên Qetlîama Wartinîsê piştî dadgehê biryara beratkirina 3 leşkeran pesend kir, ji bo ev her sê leşker careke din werin dadgehkirin û fermandarê fermana şewitandina gund daye were girtin, serî li Dadgeha Destûra Bingehîn daye.

Li Myanmarê di xwenîşandanên li dijî derbeya leşkerî de di encama midaxeleyên bi çek yên hêzên ewlekariyê de hejmara kesên ku mirine gihîştiye 780an. 3 hezar û 826 kes jî desteserkirine.

Wezareta Tenduristiyê aşkere kiriye ku di 24 saetan de test ji bo 197 hezar û 468 kesan hatine kirin û di encamê de testa 15 hezar û 191 kesan pozîtîf derketiye. Her hewa 283 kes jî mirine.

Wezareta Tenduristiyê aşkere kiriye ku di 24 saetan de test ji bo 251 hezar û 194 kesan hatine kirin û di encamê de testa 20 hezar û 107 kesan pozîtîf derketiye. Her hewa 278 kes jî mirine.

Coldplay, koma rockê yekem strana albûma xwe ya nû li Îstasyona Fezayê ya Navnetewî straye.

Twîtterê pêştir hesabê Donald Trump, Serokê berê yê DYAyê daxistibû. Niha jî hesabê ku daxuyaniyên wî diweşand asteng kiriye.

Ozcan Purçuyê CHPyê gotiye ku li Tirkiyeyê ji ber nasnameya wan a etnîk û çandî, cidakarî li Romanan dikin û gotinên nefretê ji wan re dibêjin.

Cotkar û kesên li pazaran firotinê dikin, ji ber girtina bazarên taxan gazindan dikin. Ew dibêjin sebze û mêwe di destên wan de mane û him ew him jî welatî mexdûr in.